|
12 كۆچبەری كورد خنكان لە ئیتاڵیا
لە كەناراوەكانی ئیتاڵیا، كەشتییەك ژێرئاو دەكەوێت و بەهۆیەوە 12 كۆچبەری هەرێمی كوردستان دەخنكێن، هەزاران هاوڵاتی عێراقیش لە توركیان و چاوەڕێی پێدانی مافی پەنابەرین لەلایەن وڵاتانی خۆرئاوای ئەوروپاوە. ڕۆژ عەزیز كەریم نوێنەری فیدراسیۆنی سەراسەری پەنابەرانی عێراق لە توركیا، بە ڕۆژنیوزی رایگەیاند: ئەمڕۆ لە كەناراوەكانی وڵاتی ئیتالیا، كەشتییەك كە كۆچبەری تێدابوە، ژێرئاو كەوتوەو هێزە دەریاییەكانی ئیتالیا توانیویانە ژمارەیەك كۆچبەر ڕزگار بكەن، بەڵام ژمارەیەکیان خنكاون كە 12 كۆچبەریان كورد بوون و خەڵكی هەرێمی كوردستانن. ڕونیشی كردەوە ئەو كەشتییە، لە یۆنانەوە بۆ ئیتاڵیا ڕۆیشتوە و لە كەناراوەكانی ئیتاڵیا ژێرئاو كەوتوە. لە ئێستادا دیاردەی كۆچكردن لە عێراق و هەرێمی كودرستان بە ڕێژەیەكی بەرچاو زیادی كردوە و بەهەزاران هاوڵاتی عێراق و هەرێمی كوردستان لە توركیان و چاوەڕێی پێدانی مافی پەنابەرین لەلایەن وڵاتانی خۆرئاوای ئەوروپاوە. خنكانی ئەو ژمارە گەنجەی هەرێمی كوردستان لەكاتێكدایە كە ئەمڕۆ ڕۆژنیوز لەڕاپۆرتێكیدا ئەوەی خستە ڕو كە بێمتمانەیی بەحكومەت و نەبونی دادپەروەری سەرچاوەی كۆچی گەنجنە بۆ وڵاتانی ئەوروپا.
ڕۆژنیوز
به‌روار: 06/07/2015
9633 جار خوێندراوه‌ته‌وه
|