لە کەلار خۆپیشاندانە
خۆپیشاندانی كەسوكاری ئەنفالكراوان لە كەلار دژی گواستنەوەی هاوژین حامد دادوەری پپێشووی دادگای كفرین بۆ پارێزگای دهۆك دەستی پێكرد و داوای بینینی دادوەری سەرۆكایەتی دادگای تێهەڵچوونەوەی گەرمیان - كەركووك دەكەن.
سەرچاوەیەك لەناو خۆپیشاندەرانەوە، بەنەوای راگەیاند: ئەمڕۆ 1 شەممە لەبەردەم سەرۆكایەتی دادگای تێهەڵچوونەوەی گەرمیان خۆپیشاندانی كەسوكاری ئەنفالكراوان دەستیپێكردووە.
بەپێی وتەی سەرچاوەكە: خۆپیشاندەران لە دژی بڕیاری گواستنەوەی (هاوژین حامد) دادوەری پپێشووی دادگای كفریین بۆ پارێزگای دهۆك و داوای بینینی دادوەری سەرۆكایەتی دادگای تێهەڵچوونەوەی گەرمیان – كەركوك دەكەن.
سەرچاوەكە، روونیشیكردەوە: خۆپیشاندەران هەڕەشە دەكەن ئەگەر گوێیان لێ نەگیرێت هەڵوێستی دیكەیان دەبێت.
نەوا
بهروار: 26/04/2015
423 جار خوێندراوهتهوه
|