|
ئەنجامدەری تەقینەوەكەی عەنكاوە دەستگیركرا
دەقی ڕاگەیاندراوەكە
ڕاگەیەندراوێك لە ئەنجوومەنی ئاسایشی هەرێمی كوردستانەوە
هاووڵاتیانی خۆشەویستی هەرێمی كوردستان ئاگادار دەكەینەوە كە لە دوای لێكۆلینەوەیەكی ورد و بەدواداچوونی هێزەكانی ئاسایش و هاوكاریی هاولاتییان، شەوی ڕابردوو توانرا ئەنجامدەری سەرەكیی تەقینەوەكەی ڕۆژی ١٧/٤/٢٠١٥ی شارۆچكەی عەینكاوە دەستگیر بكرێت.
ئەم كردارە تیرۆریستییە كە بوو بە هۆی شەهید بوونی دوو هاووڵاتیی باكوور و بریندار بوونی ژمارەیەك هاووڵاتیی دیكە، بە هۆی ئۆتۆمبێلێكی بۆمبرێژكراوەوە بووە كە لە نزیك كافێتێریایەك پارك كرا بوو بە هۆی كۆنترۆڵی لە دوورەوە تەقێندرابوو.
لێكۆلینەوە لە تیرۆریستی دەستگیركراو بەردەوامە و دوای ڕێكارە یاساییەكان هاووڵاتییانی خۆشەویستمان لە وردەكاریی زیاتری پەیوەست بەم كردارە تیرۆریستییە ئاگادار دەكەینەوە.
ئەنجوومەنی ئاسایشی هەرێمی كوردستان
٢٠/٤/٢٠١٥
به‌روار: 20/04/2015
647 جار خوێندراوه‌ته‌وه
|