|
تۆڵەی هەموو شەهیدانی پێشمەرگە دەكەینەوە
فەرماندەی هێزەكانی (70)ی هێزی پێشمەرگەی كوردستان ڕایگەیاند: بەڵێن بێت تۆڵەی سەرجەم شەهیدانی پێشمەرگە دەكەنەوە و دەشڵێت: تۆڵە بەسەبرە بەڵام بەزەبرە .
لەپەیامێكیدا شێخ جەعفەر مستەفا فەرماندەی هێزەكانی (70)ی هێزی پێشمەرگەی كوردستان ڕایگەیاند: لەم نەورۆزەدا بەدایك و باوكی شەهیدان و كەسوكارەكانیان ڕادەگەیەنێت و دڵنیایان دەكاتەوە، كە یەك دڵۆپ خوێنی ڕۆڵەكانیان بە فیڕۆ ناچێت و بەڵێنی ئەوەشیان پێدەدات، تۆڵەیان دەكەنەوە، وەكو وتراوە تۆڵە بەسەبرە بەڵام بەزەبرە.
شێخ جەعفەر مستەفا وتیشی: دڵنیا بن كە زەبری گورچكبڕ بەر چەكدارانی داعش كەوتوە، ناشوەستین تا كوردستان لەو دەست و بیرە قێزەونانە پاك نەكەینەوە ، ڕونیشیكردەوە: بەڵێن بەكەسوكاری شەهیدان دەدەن‌و سوێند بەخوێنی شەهیدان دەخۆن كە تۆڵەی ڕۆڵەكانیان دەكەنەوەو ئۆقرە ناگرن، تا بستێكی كوردستان لەبەردەم مەترسیدا بێت.
نەوا
به‌روار: 21/03/2015
562 جار خوێندراوه‌ته‌وه
|