|
Rizgarkirdinî ( Kobanê ) le gelî Kurdistan pîrozbêt
malmokurd
_ Kes û kar u binemaley serberzî şehîdanî Kurdistan ...
_ Şervananî xoragir u qaremanî Yekînekanî Parastinî Gel YPG û Yekînekanî Parastinî Jinan YPJ ...
_ Pêşmerge qaremanekanî Kurdistan ...
_ Xelkî xoragir u têkoşerî Kobanê ...
_ Kurdistanyanî wilatparêz ...
Rizgarkirdin û azadbûnî ( Kobanê )î sîmbulî xoragirî û berxudanî Kurdan le hemû layekman pîroz bêt, rizgarkirdinî Kobanê wate serkewtinî hêzî rûnakî beser hêzî tarîkîda, wate serkewtinî îradey Kurdan, azadbûnî kobanê serkewtinî azadîxuwazanî mirovayetîye beser tîrorîstan û hemû ewaney dijî azadî û jiyan û şarstanîyet û pêşkewtinin, rizgarkirdinî Kobanê ewe deselmênê kewa tîrorîstan û hawkaranyan herçend behêzbin le beramber berxudanî Kurdan natwanin xoyan rabigrin û tenha têkşikandin û serşorî beşyan debêt.
Lêrewe çawî hemû kiç û kure Şervane palewanekanî YPG û YPJ û hêzekanî Pêşmergey Kurdstan maç dekeyin û berxudan û xoragirîyan beriz denirxênîn, berxudanî ewan Kobanêy azad kird u kirdîye sîmbolî berxudanî Kurdan, her lêrewe serî rêz u newazişîş bo şehîdanî Kobanê û tewawî şehîdanî Kurdistan dadenewênîn u, destî hemû ew pîremêrd û pîrejin û çawî mindale çaw geşekan û hemû awarekanî Kobanê maç dekeyin kewa lejêr xêwetî awareyîda dejîn, herweha supasî tewawî gelî Kurdistan le herçuwar parçey kurdistan û revendî Kurd le derewey wilat dekeyin kewa be çalakî corawcor u xopîşandan berdewam tîrorîstaniyan şermezardekird û moralî Pêşmerge u Gerîla u Şervananiyan berzdekirdewe, em yekdengîyey gel gewretirîn piştîwanî bû bo hêzekanî Pêşmerge u Şervanan u, leheman katda baştirîn welam bû bo tîrorîstan û dujminan, kewa gelî kurdistan her hemuy beyek deng tîror ret dekenewe u amadey bergirîkirdinin le xak û xelkî Kurdistan, supasî hemû ew wilat û nawendaneş dekeyn kewa hawkar u hawsozî berxudanî Kobanê bûn, betaybet Wilatanî Hawpeyman le şerî dijî Da'iş kewa rojane molgekanî tîrorîstanî Da'işyan muşekbaran dekird.
Lêrew dawa le komelgay nêwdewletî dekeyn kewa hawkarbin bo binyatnanewe u awedankirdinewey Kobanê û hawkarîkirdinî xelke xoragirekey bo geranewyan boser zêdî xoyan, emeş karêkî mirovaneye u pêwîste peley lêbikrêt.
_ Silaw le berxudan û xoragirî Şervanan û Pêşmerge u Gerîla.
_ Nemrî û serberzî bo şehîdanî Kobanê û tewawî şehîdanî Kurdistan.
_ Serkewê wîstî gelî Kurdistan
_ Mirdin û rûreşî bo tîrorîstan û dujminanî gelî Kurdistan.
_ Bijî Kurd ... Bijî Kurdistan.
Xefûr Mexmûrî
Sikirtêrî Giştî
Yekêtî Neteweyî Dîmukratî Kurdistan YNDK
26 / 1 / 2015 Hewlêr _ Kurdistan
بهروار: 26/01/2015
568 جار خوێندراوهتهوه
|