چەكی ئێرانی گەیشتە دەست پێشمەرگە
كۆماری ئیسلامی ئێران هاوكاریی سەربازیی هێزەكانی پێشمەرگەی كوردستان دەكات و یەكەم كاروانی ئەو چەكانەش گەیشتووەتە بەرەكانی جەنگ لە ناحیەی جەلەولا.
سەرچاوەیەك لە هێزەكانی پێشمەرگەی كوردستان بە ئاژانسی ئانادۆڵوی راگەیاند:" یەكەم كاروانی چەكی ئێرانی گەیشتووەتە دەست هێزەكانمان و لە ئێستادا ئامادەكراوە بۆ روبەروبونەوەی چەكدارانی رێكخراوی دەوڵەتی ئیسلامی ناسراو بە داعش.
ئەو سەرچاوەیە وتیشی: " جۆری ئەو چەكەی لەیەكەم كاروان گەیشتووەتە دەستمان لە جۆری (هاوەن)ە و چاوەڕوان دەكرێت لە ئایندەیەكی نزیكدا چەكی دیكەش بگاتە بەرەكانی جەنگ لە میحوەری خانەقین.
هەروەها ئاشكراشی كرد، هێزەكانی پێشمەرگەی كوردستان لە ئامادەكاری تەواودان بۆ هێرش كردن و پاك كردنەوەی ناحیەكانی جەلەولا و سەعدیە لە دەستی چەكدارانی داعش.
بەپێی زانیارییەكان ئانادۆڵو، كۆماری ئیسلامی ئێران لە رێگەی مەرزی نێودەوڵەتی پەروێزخان لە سنوری قەزای خانەقینەوە هاوكاری زەمینی و ئاسمانی هێزەكانی پێشمەرگەی كردووە لە سنوری ناحیەی جەلەولا.
بە هۆی ئەوەی خانەقین كەمتر لە 5 كیلۆمەتر دوورە لە سنورەكانی ئێران، بۆ ئەگەری هەرجۆره بەرپرچدانەوەیەك، كۆماری ئیسلامی ئێران هێزەكانی یەكەی 81ی زرێپۆشی سوپای پاسدارانی لەسەر سنورەكانی خۆی لەگەڵ عێراق كۆكردۆتەوە.
نالیا
بهروار: 19/08/2014
792 جار خوێندراوهتهوه
|