|
سڵاو، سڵاو
سڵاو لە مێژووی وەک خەڕەک
نەڕەی موەلیدەی گەڕەک
سڵاو لە تووڕەیی و غەزەب
بازاڕ و مۆڵی پڕ عەرەب
سڵاو لە بەرمیلی بەتاڵ
تاسەی شەقامی پر لە چاڵ
سڵاو لە داھاتی دزراو
سڵاو لە نۆبووکی تۆراو
سڵاو لە کۆمپانیا لە نەوت
سڵاو لە جەڵتە و پاشەکەوت
سڵاو لە ریقنەی سەر بۆنید
لە کانیولا و ماسک و وەرید
سڵاو لە خەم، حەسرەت، لە ئێش
سڵاو لە تەکێی پڕ دەروێش
سڵاو لە رێی ئاوارەیی
لە نەفەقە و لە مارەیی
سڵاو لە قسەی بێ کردار
لە قوزەڵقورت لە زەھری مار
سڵاو لە مێردی عەسەبی
لە ئیجتیماعی جەڵەبی
سڵاو لە زانکۆی ئۆنلاین
سڵاو لە سەرکردەی خاین
لە تێکۆشەری کۆنە جاش
لە دیموکراسی و تەڕەماش
سڵاو لە ئاغای مەتەری
مەکیاج و جبەی قەتەری
سڵاو لە سەلەفی و ئیخوان
لە تۆپخانەکەی ئەردۆغان
سڵاو لە والید و مەولوود
سڵاو لە نووسینی بێ سوود
شێرکۆ عەبدوڵا
به‌روار: 01/12/2020
560 جار خوێندراوه‌ته‌وه
|