|
هاواری مامۆستا کەرکوکیەکە
ئەو مرۆڤەی کە دوێنێ هاواری هەموو عەرشی کردگاری هێنایە لەرزین تەنها دەسەڵاتدارانی بێ ویژدان و نمەک حەرام نەبێت😪
مامۆستای بەڕیز، هاوڕێی دێرینی کۆلێژم سابیر شاکر
(مەلا پەرێشان) دەنگت دوێنێ هەموو مرۆڤێکی خاوەن ویژدانی هەژاند!
ئاخر نازانم هەتا کەی کەسانی ستەمدیدەی وەکو تۆ هەر ئەبێت ببن بە قوربانی؟ لەو ساتەوەی تۆم ناسی مرۆڤێکی نموونەیی بەرخودان، مرۆڤێک مێشک پڕ لە چیرۆکی خۆڕاگری و هاوارو بانگێشەی ئازادی، مرۆڤێک خاوەن قوربانی زۆر و ئامادەیی قوربانیی زیاتر!
دەنگی تۆ هاوڕێ (پەرێشان) دەنگی سەدەها هەزار کوردی باشووری ستەملێکراوی دەستی دەسەڵاتدارانی ناوخۆیی و دەرەکیە!
پەیامی تۆ پەیامی هەموو چەوەساوەکانو قوربانیانی دەستی بەرپرسانی خۆپەرست و بێ ویژدانەکانە!
کاتێ تۆم ناسی هەروا بوویت ، هەردەم غەمبارو دڵ شکاو، هەردەم بێزار و بەهەڵوێست و بەگلەیی، بەڵام ئەمجارە گلەییەکانت جودان، بێزاریەکەت جێاوازە، هەڵوێستەکانت جیاواز لە جاران! ئەمجارەیان ڕووبەڕووبوونەوەی دەسەڵاتێکە کە خۆت خەونت پێوە ئەبینی و قوربانیت
بۆی ئەدا!
ئای کە ناخ هەژێنە گلەییەکانت ! ئای کە هاوارەکانت بومەلەرزەیەکە کە هەموو عەرشی کردگاری هێنایه لەرزین تەنها دەسەڵاتدارانی نمەک حەرام نەبێت!!!
عەبدووڵا زەنگەنە
ڤێننا
به‌روار: 30/11/2020
1003 جار خوێندراوه‌ته‌وه
|