خێزانێکی 5 کەسی کورد لە ڕێگای بەریتانیا خنکان
خێزانێکی پێنج کەسی رۆژهەڵاتی کوردستان کە لە دایک، باوک و سێ منداڵ پێکهاتبوون, لە کەناڵی مانش لە رێگەی چوون بۆ بەریتانیا بەلەمەکەیان نوقم بوو و سەرجەمیان گیانیان لەدەستدا.

ئەو خێزانە کوردە لەگەڵ 22 کۆچبەری دیکە شەوی رابردوو بە بەلەمێک ویستوویانە لە بەندەری کالێی فەرەنسا و لەڕێی کەناڵی مانشەوە بگەنە بەریتانیا.

رەسوڵ ئێراننەژاد، تەمەن 35 ساڵان سەرۆک خێزان، شیوا محەممەد پەناهی، تەمەن 25 ساڵ، ئانیتا تەمەن 9 ساڵ، ئارمین تەمەن 6 ساڵ و ئارتین تەمەن 15 مانگ خنکاون، ئەوان خەڵکی گوندی گوڵینێی سەر بە شاری سەردەشت بوون، بەڵام جێگری سەرۆکی شارەوانی دەنکیری فەرەنسا رایگەیاندووە، دایک و باوک و دوو منداڵ خنکاون.

خەلیل ئێراننەژاد، برا گەورەی رەسوڵ، کە دوو رۆژ پێش ئەم رووداوە قسەی لەگەڵ براکەی کردووە، بە (رووداو)ی گوت: ئەوان دووەمجاریانبوو هەوڵیاندەدا بگەنە بەریتانیا، دوو جار ویستبوویان بە شەمەندەفەر بچن، بەڵام دەرنەچووبوون".

خەلیل دەڵێت ئەوان پێشتر زۆر لە براکەی پاڕابوونەوە لەڕێی دەریاوە کۆچ نەکات، بەڵام بە قسەی نەکردبوون. بەگوتەی خەلیل، رەسوڵ و هاوژین و منداڵەکانی لە تورکیاشەوە بۆ ئیتاڵیا هەر بە بەلەم چووبوون و خۆی باسی ناخۆشی رێگاکەی کردبوو. گوتبووی: رێگاکە شەپۆلی زۆری دەدا و زۆر ئەستەم بووە، ئەگەر زانیبام ئەم رێگایە بەمجۆرە مەترسیدار و ناخۆشە قەت نەمدەگرتەبەر.

رەسوڵ و بنەماڵەکەی سەرەتای هاوین لە سەردەشتەوە بە رێگەی قاچاخ لە سنووری ماکۆدا ئاودیوی باکوور کوردستان و تورکیا بوون، دواتر بە قاچاخ ویستوویانە بچنە یۆنا، بەڵام لەسەر سنووریی یۆنان گیراون و ئاودیوی تورکیا کراونەتەوە. جاری دووەم بە بەلەم رۆیشتوون و گەیشتوونەتە ئیتاڵیا و لەوێشەوە چوونەتە فەرەنسا، نزیکەی مانگێک بوو لەو وڵاتە بوون.

بەگوتەی خەلیل ئێراننەژاد، رەسوڵی برای سەرەتای ویستوویەتی لە ئەڵمانیا یان سویسرا بمێنێتەوە، دەڵێت: "بەڵام نازانم چۆن بوو، کە بڕیارەکەی گۆڕی".

رەسوڵ لە رێگەی قاچاخچییەکی سەردەشتەوە گەیشتبووە فەرەنسا، کەسوکارەکەی قسەیان لەگەڵ قاچاخچییەکەدا کردووە، ئەویش گوتوویەتی: من ئاگام لێنەبووە، رەسوڵ لە فەرەنسا قاچاخچی گۆڕیوە.

هارڤ تۆرنمێنت، جێگری سەرۆکی شارەوانیی دەنکیرکی فەرەنسا دەڵێت: "بەتێگەیشتنی من، ئەوان 5 میل لە کەناراوەکە دووربوون، بەڵام نازانم ئەو بەلەمەیان بۆ وەرگەڕاوە کە بەلەمەکە خۆی هی راوەماسی بووە و هیچ مەرجێکی سەلامەتی تێدا نەبووە".

ناتالی ئیلپەک، پەرلەمانتاری بەریتانیا، ئەو رووداوەی بە کارەسات ناوبردووە و دەڵێت: "قاچاخچییەکان هیچ بەهایەک بۆ گیانی ئینسان دانانێن".

رەسوڵ لە سەردەشت کرێکاری کردووە، تاوەکوو پۆلی چواری سەرەتایی خوێندووە. عەلی کە برای رەسوڵە دەڵێت: یەکەم مانگی بەهاری ئەمساڵ جارێکی دیکەش بەخۆی بنەماڵەوە هەوڵی رۆیشتن بۆ ئەوروپای داوە، بەڵام لە سنووری پارێزگای ورمێ دەرباز نەبوون".

عەلی دەڵێت: هەر لەبەر ئەوەی کە ئەو رێگا مەترسیدارەی گرتەبەر من نەمدەدواند، بەڵام رەسوڵ دەیگوت لێرە ژیانم زۆر سەختە و بەڕێوەناچێت.

بە گوتەی خەلیل، براکەی 800 ملیۆن تمەنی لەم رێگایەدا خەرجکرد و هەمووشی لە باوک، برا، خەزوور و خزمی دیکەی قەرز کردبوو.

هەر لەو بەلەمەدا 3 کەسی دیکەی خەڵکی سەردەشتی تێدا بووە، باوکێک و دوو کوڕ، ئەوانیش تاوەکو ئێستا بێسەروشوێنن و هیچ هەواڵێکیان نییە.

سبستیان پیڤ، داواکاریی دەنکیرک لە بارەی رووداوەکە دەڵێت: "لێکۆڵینەوە لەلایەن پاسەوانی سنوور دەستیپێکردووە، ئەوان لەمجۆرە کارانە شارەزایان باشترە بەو پێیەی سەرپەرشتی هاتنی خەڵک و مانەوەی کۆچبەران لە فەرەنسا دەکەن".

داواکاریی دەنکیرک گومانی لە رووداوەکە هەیە و دەڵێت: "لەوانەیە ئەم جۆرە رووداوانە بچنە قاڵبی تاوانی نێو خێزان و خۆئازاردانی ناویستانە."
ڕووداو
به‌روار:  28/10/2020
98   جار خوێندراوه‌ته‌وه
  بابه‌تی زیاتر ...
پەیکەری یارمەتی هەژاران بە ئەڵمانی(Armenpflegedenkmal) شاری فوپەرتاڵ (Wuppertal)لە هەرێمی نۆڕدڕاینڤیستڤاڵن لە ئەلەمانیا،شارێکی کۆنی مێژویی و کلتوریە،گەلێك مۆزەخانە و ئەتەل درێژه‌ ...
هەر ساڵی 1979 بوو جەیشێکی زۆر هێنرابونە ناوچەی شارباژێڕ و شەوانە لەو گردو شاخانە كەمینیان دائەنا . من و شەهید جەلالی حەمەی محەش ئەمانوویست فرسەتێکمان بۆ هەڵكەوێ و زەڕبەیەک لەدوژم درێژه‌ ...
ئەبێ وا بێ‼ کە ئەو دەرکەوت تۆ ھەڵپەڕە حوکمەت شوانە و میللەت مەڕە عاجز ئەبن بایکۆت بکەی ئەبێ ئەزمونەکە سەرخەی کڕ کەوە ھەر عەینی مامر چی کەمترە لە شێخ جابر مەعاش نی یە بەگو درێژه‌ ...
نابێ خراپترین تاوانی جه‌نگ كه‌ ترامپ كردویه‌تی له‌ بیربكرێ: رێگه‌ی بۆ پاكتاوكردنی ئێتنیكی كوردانی هاوپه‌یمانان ده‌ سوریایێ زامنكرد به‌ قه‌ڵه‌می: پاتریك كۆكبۆن ‏Patrick Cockburn درێژه‌ ...
نووسەری خوێنەرکوژ محەمەد فەریق حەسەن بەبێ بوونی "خوێنەر" شتێک بەناوی "نووسەر" لەئارادا نییە. هەن لە کنە و کۆششی بەردەوامدان، گوێی ئەو بڕە خوێنەرە کەمەی کورد بە جۆرێک ئاو بدەن، گ درێژه‌ ...
قەشەی كەنیسەی سلێمانی: تا تروسكاییەكی هیوا بۆ مانەوە شك بەرم کوردستان بەجێناهێڵم 2020-11-30 259 0 ئا: ئاوێنە قەشەی كەنیسەی مار یوسف لەسلێمانی ئاماژە بەو درێژه‌ ...
سوید نابێ ئیقامەتی کار بەو پیشانە بدات کە بڕوانامەیان نییە و لە سوید خەڵک زۆرە بۆ ئەو کارانە. ئەمە بە ڕای وەزیری داد و کۆچی سوید، مۆرگان یوهانسۆن • یاسای ئێستا ئیزن بە هەموو درێژه‌ ...
سڵاو، سڵاو سڵاو لە مێژووی وەک خەڕەک نەڕەی موەلیدەی گەڕەک سڵاو لە تووڕەیی و غەزەب بازاڕ و مۆڵی پڕ عەرەب سڵاو لە بەرمیلی بەتاڵ تاسەی شەقامی پر لە چاڵ سڵاو لە داھاتی دزراو س درێژه‌ ...
لە یەکێک لە کافتریاکانی سلێمانی، گەنجێک کوژرا کە پیشەی پێشمەرگەیە و باوکی دوو منداڵە، پۆلیسی سلێمانیش دەڵێت، رووداوەکە خۆکوژیی بووە. بەشێک لە توێژەرانی کۆمەڵایەتیش، کێشە ئابورى درێژه‌ ...
ئەو مرۆڤەی کە دوێنێ هاواری هەموو عەرشی کردگاری هێنایە لەرزین تەنها دەسەڵاتدارانی بێ ویژدان و نمەک حەرام نەبێت😪 مامۆستای بەڕیز، هاوڕێی دێرینی کۆلێژم سابیر شاکر (مەلا پەرێشان) دەن درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   92
کۆی سه‌ردان:   21494191