ڕفاندنی ژنێکی گەنج و گەنجێکی عەفرین
سوپای داگیرکەری تورک و چەتەکانی بەردەوامە لەسەر تاوانی شەڕ لەدژی هاوڵاتیانی عەفرین. بەپێی سەرچاوە هەرێمیەکان چەتەکانی سەر بە دەوڵەتی داگیرکەری تورک گەنجێک و ژنێکی گەنجی عەفرینیان ڕفاند و چارەنووسیان نادیارە.
سەرچاوەیەک لە ناوچەی ڕاجۆی عەفرین کە داگیرکراوە ڕایگەیاند کە چەتەکانی ئەحڕاڕ شەرقیەی سەر بە دەوڵەتی داگیرکەری تورک دوێنێ ژنێکی گەنجیان بەناوی مەریەم ئەڤدک شێخۆی خەڵکی گودنی قاسمیان ڕفاندووە و بۆ شوێنێکی نادیاریان بردووە.
سەرچاوە هەرێمیەکان ئاماژەیان بەوەدا چەتەکانی سوڵتان موراد لە ١٦ی ئەیلول گەنجێکیان بەناوی موراد عەبدولڕەحمان ڕەشیدی ٢٥ ساڵیان لە ناوچەی جندرێس ڕفاند و چارەنووسی نادیارە.
لەو هەرێمانەی کە دەوڵەتی تورک داگیری کردوون بە تایبەتی کانتۆنی عەفرین، دۆخێکی مەترسیدا هەیە و تاوانی دژی مرۆڤایەتی ئەنجام دەدرێن. هاوڵاتی مەدەنی دەڕفێنن و لەبەرانبەری داوای فیدیە دەکەن.
فورات نیوز
بهروار: 20/09/2020
270 جار خوێندراوهتهوه
|