|
پنتاگۆن هێزی زیاتر ڕەوانەی ڕۆژئاوای کوردستان دەکا
بەرپرسانی ئەمریکا ئاشكرایانکرد، هێزی زیاتر ڕەوانەی باکوری ڕۆژهەڵاتی سوریا دەکەن، ئەوەش بە ئامانجی ڕێگریکردن لە پەڕینەوەی ڕوسیا بۆ ئەو ناوچانەی کە هێزی هاوپەیمانی نێودەوڵەتی و هێزەکانی سوریای دیموکراتی تێدایە.
تۆڕی هەواڵی ئێن بی سی نیوزی ئەمریکا بڵاویکردووەتەوە، ئامانجی ڕەوانەکردنی ئەو هێزانە بۆ ئەوەیە کە ڕووسەکان لە پەڕینەوە بەرەو ناوچەی ڕۆژهەڵات کە ئەمریکا و هاوپەیمانان و قەسەدە تێیدا کار دەکەن، دووریان بخنەوە.
سێ بەرپرسی وەزارەتی بەرگری ئەمریکا پشتڕاستیان کردووەتەوە، پنتاگۆن بەشێکی کەم لە هێزەکانی لە سوریا بڵاوەپێدەکات، پاش ئەوەی ڕوبەڕوبونەوەکانی لەگەڵ ڕووسەکان زیاتر بووە.
بەرپرسانی ئەمریکا باسیان لەوەشکردووە، هەبوونی هێزەکانی ئەمریکا بۆ دەرکردنی هێزەکانی ڕووسیا لە ناوچەی ئاسایشی ڕۆژهەڵات، کە ئەمریکا و هاوپەیمانان و قەسەدە تێیدا کار دەکەن، خزمەت دەکات.
هێزە زیادەکەی ئەمریکا لە باکوری رۆژهەڵاتی سوریا، لە شەش ئۆتۆمبێلی سەربازی جۆری برادلی و کەمتر لە ١٠٠ سەرباز پێکدێت کە بۆ ماوەی ٩٠ ڕۆژ دەمێننەوە.
کاربەدەستێکی ئەمریکا دەڵێت: ئەم هەنگاوانەی ئەمریکا ئاماژەیەکی ڕوونە بۆ رووسیاو پێویستە رووسیا و حزبەکانیتر خۆیان لە کردەوەی ناپیشەیی و ناسەقامگیر و ئیستیفزازانە لە باکووری رۆژهەڵاتی سوریا بپارێزن
لە باکور و ڕۆژهەڵاتی سوریا، پێکدادانێکی سوک لە نێوان هێزەکانی ڕوسیا و ئەمریکادا روودەدات و هێزەکانی حکومەتی سوریاش هەوڵی ئەنجامدانی دەوریەی ئەمریکایان داوە لەو ناوچەیە.
ڕۆژنیوز
به‌روار: 20/09/2020
321 جار خوێندراوه‌ته‌وه
|