|
بۆت بمرم سلێمانی😪
( گەر هاوڕایت، بڵاویبکەرەوە )
*لە تاسلوجە بۆ ناو سلێمانی، هەرچی پارچە زەوی باش و گرانبەها و باخ و ڤێلا و موڵکی بازرگانیی و پرۆژەی تیاکراوە و لێرەش بەدواوە تێیدا دەکرێت، کراوە بە دوو بەش، بەشی دەستە چەپ بۆ گروپێک و بەشی دەستە راست بۆ گروپێکی تر.!
*سیتەک و دوکانیان و تەگەران و شاخە سور و گڵە زەردە و هەزارمێرد و دۆڵەڕوت تا مێرگەپان و ..هتدیان کرد بە باخ و ڤێلا و شوێنێکیان نەهێشتەوە بۆ ئەو خێزان و خەڵکانەی دەرامەتیان سنوردارە تا سەیرانێکی لێبکەن.!
*سیتەک و مێرگەپان و شوێنە گەشتیارییەکانی تریان کرد بە باخ و ڤێلا و بیری ئیرتیوازیان لێدا و وردە وردە ئاوی ژێر زەوی کەم دەکات و دەیان ساڵی تر ئاو نامێنێ نەوەکانی داهاتووی ئەم شارە بیخۆنەوە.!
*بناری گۆیژە و ئەزمڕیان کرد بە شوقە و سیتی، سنۆبەرەکانیان سوتاند و ئیدی دەیان ساڵی تر سلێمانی دەبێ بە یەکێک لەو شارانەی بە کەڵکی ژیان نایەت و سەوزایی و ژینگەیەکی تەندروست و هەوای پاکی تیا نامێنێ.!
*درەخت و سنۆبەرەکانی رێگەی سلێمانی-تاسلوجە دەسوتێنن و دەیانبڕن و بەنیازن بیکەن بە پرۆژە و پێشانگای ئۆتۆمبێل و گەراج و..هتد.!
*پاشماوەی دوکەڵی کارگە زەبەلاحەکانیان دەکەن بەسەر چروچاوی شاردا و بەنزینە ژەهراوییەکەیان هەزاران هاوشاری ئەم شارەیان توشی شێرپەنجە و دەیان نەخۆشی تر کردووە.!
*کۆلێژ و پەیمانگا و قوتابخانە حکومی و نیمچە حکومیەکان داخران و دران بە کەرتی تایبەت و کۆمپانیا حزبی و ئەهلییەکان، خێزان و دانیشتیوانی شارەکەیان ناچارکردووە منداڵەکانیان بخەنە زانکۆ و خوێندنگە تایبەت و ئەهلییەکانی خۆیان.!
*باڵەخانە و خانووە کۆنەکانی سەنتەری شار کە مۆرکی رەسانەیەتی و کلتوریی شار بوون روخێنران و کران بە گەراجی ئۆتۆمبێل و بینای بازرگانی و عەیادەی دکتۆر و دەرمانخانە، چونکە خەڵکی سلێمانی ئێجگار نەخۆشە.!
*نەخۆشخانە حکومی و نیمچە حکومیەکانیان نەهێشت و شاریان پڕکرد لە نەخۆشخانەی تایبەت و گرانبەها و خەڵکی شارەکەیان ناچارکردووە بۆ چارەسەری خێرا و پێویست روبکاتە نەخۆشخانە تایبەت و ئەهلییەکانی خۆیان.!
*هەرچی بڕیاری حکومەتە لە پارەی ژینگە و خۆڵانە و ئاوەڕۆ و تابلۆ سەر دوکان و ...هتد یەکەمجار لەسەر سلێمانی و خەڵکەکەی تاقیدەکەنەوە و جێبەجێی دەکەن.!
*سەهۆڵەکە و بەردەم باخی گشتی و زۆر شوێنی تری شاریان داوە بە کۆمپانیا و کۆشکی لێ دادەنێت .
سالار سەراوی
به‌روار: 19/09/2020
556 جار خوێندراوه‌ته‌وه
|