|
عوسمان بایدەمیر دەڵێ: ئەگەر بگەڕێمەوە تورکیا ١٠٥ ساڵ زیندانى دەکرێم
شارپرێس:
عوسمان بایدەمیر سیاسەتمەداری كورد وتی: ناتوانم بچمەوە باكووری كوردستان‌و توركیاو بەشداری كۆنگرەی پارتی دیموكراتی گەلان هەدەپە بكەم.
عوسمان بایدەمیر وتیشی: بەهۆی ئەو دۆخە سیاسییەی لەتوركیا هەیە، 105 ساڵ سزا دراوم، بەو هۆیەشەوە ناچمەوە باكووری كوردستان‌و توركیا.
قسەكانی ئەو سیاسەتمەدارەی كورد لەدوای سەردانی بوو بۆ پەرلەمانی كوردستان، كە ئەوەشی وت: هیوادارم بگەڕێینەوە بۆ سەر مێزی گفتوگۆو ئاشتی بگەڕێنینەوە بۆ ناوچەكەو رۆژهەڵاتی ناوەڕاست.
بایدەمیر ستایشی رۆڵی پەرلەمانی كوردستانیشی كردو وتی: ئەم پەرلەمانتارە پەرلەمانی هەموو زەنگ‌و ئاین‌و مەزهەبێكە، كە پێویستە پەرلەمانی توركیاو ئێران‌و بەغداو سوریاش بەم شێوەیە بن.
به‌روار: 23/02/2020
409 جار خوێندراوه‌ته‌وه
|