50 هەزار کەس لە چین بە ڤایرۆسەکە مردوون و پەکین دەیشارێتەوە
ماڵپەرێكی جیهانی هەواڵێكی بە شێوەی بۆمب لەبارەی ڤایرۆسی كۆرۆنا بڵاوكردەوە.
ماڵپەری (فۆر ئێكس لایڤ) رایگەیاند : " ملیاردێرێكی چینی بەناوی (Guo Wengui) كە لە ئەمریكا نیشتەجێیە زانیاری نەزانراو لەبارەی ڤایرۆسی كۆرۆنا ئاشكرا دەكات كە ئێستا جیهانی تووشی مەترسی كردووە".
ماڵپەرەكە دەڵێت : " بەپێی قسەكانی ملیاردێرە چینییەكە بێت ئەو ژمارەیەی كە چین بڵاوی كردۆتەوە دەڵێن تا ئێستا (40171) كەس دووچاری ڤایرۆسەكە بوون و تەنها (903) كەس مردوون راست نییە".
وتیشی : " ئاماری راستەقینە ئەوەیە تا ئێستا (1) ملیۆن و (500) هەزار كەس هەڵگری ڤایرۆسەكەن و زیاتر لە (50) هەزار كەس بەهۆی ئەمەوە مردوون".
ملیاردێرەكە ئەوەش دەڵێت : " لە ووهان (49) شوێن هەیە بۆ سوتاندنی لاشەی مرۆڤەكان و رۆژانە زیاتر لە (1) هەزار كەس بەهۆی ئەم ڤایرۆسەوە گیانی لەدەست دەدات ، بەڵام ئەوان راستییەكان ئاشكرا ناكەن".
کوردیو
بهروار: 11/02/2020
558 جار خوێندراوهتهوه
|