پەروین بوڵدان: تورکیا دەیەوێ دونیای بێ کورد بونیاد بنێت
خەندان-
پەروین بوڵدان، هاوسەرۆکی پارتی دیموکراتی گەلان(هەدەپە) لە لێدوانێکدا هێرشی توندی کردە سەر سیاسەتەکانی حکومەتی تورکیا لەبەرامبەر کوردەکان و وتی "حکومەتی تورکیا لەهەوڵی دروست کردنی جیهانێکدا کوردی تیادا نەبێت".
بوڵدان، لە لێدوانێکدا وێڕای ڕەخنەگرتن لە سیاسەتەکانی حکومەتی تورکیا لەبەرامبەر کوردەکاندا وتی "ئەو سیاسەتەی ئیرادەی گەلی کورد پشت گوێ دەخات، سیاسەتێکی سەرکەوتو نابێت، هەرگیز لەبەرامبەر ستەمدا چۆکمان دانەداوە، هەرکارێکیش بکەن هەدەپە ناڕوخێت و ناکەوێت . هەرچیەک بکەن بێدەنگ نەبوین وناشبین، ملکەچ نەبوین وملکەچ نابین".
وتیشی "لەتورکیا هەدەپە تەنها پارتە کە دژی شەڕە، تەنها پارتێک کە لەبەرامبەر سیاسەتی شەڕخوازانەی لە عەفرین و شەڕی بەردوامی وباکوری سوریا وەستاوەتەوە، ئێمەین"
بوڵدان هەروەها وتی "لە هەوڵدان جیهانێکی بێ کورد بونیاد بنێن. هەم لەناوخۆی وڵات و هەم لە دەرەوەی وڵات ئەو کارە دەکە، ئاگادارین کە بۆ ئەو مەبەستەش چونە باکوری سوریا، خەڵکی تورکیا لەبەردەم سندوقەکانی دەنگدان وەڵامیان دەدەنەوە و هەر هزرێکی شەڕخوازانەو سەرکوتکارانە لەنێو سندوقەکانی دەنگدان دەنێژن".
بهروار: 05/11/2019
676 جار خوێندراوهتهوه
|