ئامانجی تورک لە ڕۆژئاوا ‼
امانجی تورک لە ڕۆژئاوا ‼

پینار ترەبلای – ڕۆژنامەوانی المونیتور
وەرگێڕانی ئەحمەد ئەسکەندەری
تورکیا دوو ئامانجی هەبوو لەم شاڵاوەی دواییدا؛ پاکتاوکردنی ناوچەکە لە هێزەکانی یەپەگە و نیشتەجێ کردنی دوو ملیۆن پەنابەری سووری لە ناوچەکەدا. بەڵام دوو هەفتە پاش ئۆپێراسیۆنەکە و بەدوای دوو ڕێکەوتنی جیاواز لەگەڵ ئەمریکا و ڕووسیادا هەموو سەرنجەکان بۆ لایەکی تر کێشراون: مەزلووم کۆبانی فەرماندەی هێزەکانی سووریای دیموکرات. ئەوە چۆن بوو کە ئەم فەرماندەیە وەها کەوتە ناوەندیی ئەم کێشەیە؟ . . تەنانەت سەرەککۆماری ئەمریکایش پێی دەڵێ "ژەنەراڵ" و ئەمەیش بۆ تورکیا زۆر قورسە. ئەوان پێی دەڵێن مەزلووم عەبدی و هەروەها فەرهاد عەبدی ساڵح.
ئانکارا لەوە تووڕەیە کە ئەو کەسەی ئەوان پێی دەڵێن ژەنەراڵ لەگەڵ کاربەدەستانی باڵای ئەمریکا و ڕووسیا پەیوەندیی هەیە. سەرەڕای ئەوەیش وشەی مظلوم لە زۆر شوێنی قورعاندا هاتووە و ئەمەیش کێشەکە بۆ تورکیا قورس تر دەکات بە وەها کەسێک بڵین تێرۆریست. لە ساڵی ٢٠١٧ بەملاوە پێناسەی ژنرال بۆ مظلوم کۆبانی بیستراوە.
من [ڕۆژنامەوان] لەگەڵ چەند سەرچاوەیەک لە ئانکارا قسەم کرد کە زۆر نیگەران بوون لەوەی ترامپ لەگەڵ "ژەنەڕاڵ مەزلووم" گفتوگۆی کردووە و لەو نامەیەشدا کە بۆ ئەردۆغانی ناردبوو [خۆت کەر مەکە] یادداشتێکی فەرماندە مەزلوومیشی لەگەڵ ناردبوو کە هێشتا نازانین ناوەرۆکەکەی چییە. هەر جارێک کە کاربەدەستانی ئەمریکا باسی "ژەنەڕاڵ مەزلووم" دەکەن، پێ دەنێن بەسەر ڕەگێکی زۆر هەستیاری کاربەدەستانی دیپلۆماسی و سەربازیی و زانیارییدا لە ئانکارا. هیچ شتێکی تر، نە گەمارۆکان و نە کەوتنە شوێن حیسابی بانکیی هێندێک کەس و کاربەدەست لە خەلق بانک ناتوانن ئەوەندەی ناوهێنانی مەزلووم کۆبانی زەنگی مەترسی بەدەنگی بەرز بزرنگێتەوە!
هەر بۆیە کاتێک ئەردۆغان بیستی سەناتۆرە ئەمریکاییەکان لە سەر کاناڵەکانی تەلەڤیزیۆن قسەی ڤیزا ناردن دەکەن بۆ مەزلووم کۆبانی گوتی هەر کە گەیشتە ناو خاکی ئەمریکا دەبێ ڕادەستی تورکیا بکرێتەوە. ترامپ بە خۆشییەوە باسی دیداری داهاتووی خۆی لەگەڵ مەزلووم کۆبانی کرد.
بەڵام خۆ کێشەی تورکیا تەنها ئەمریکا نییە. ڕۆژی دوای دیداری ئەردۆغان لەگەڵ پووتین لە سووچی، کاناڵەکانی ڕاگەیاندنی ڕووسیا وێنەی کونفرانسێکی ڤیدیۆیی نێوان مەزلووم کۆبانی و ئەفسەرانی ئەرتەشی ڕووسیایان بڵاو کردەوە . . ڕۆژنامەی سەباح و کاناڵی TRT داوایان کرد لە ٤٨ کاژێردا ئەو کابرا لەناو ببەن و هەموو دەزگاکانی ڕاگەیاندن لە تورکیا وێنەیەکی مەزلووم کۆبانی و عەبدوڵڵا ئۆجالانیان بڵاوکردەوە.
بۆچی مەزلووم کۆبانی بەو شێوەیە کەوتە ناوەندی سەرنج لەم ئۆپێراسیۆنەدا؟ ئێمە لەگەڵ چەند کاربەدەستی باڵای سەربازیی و دیپلۆمات لە ئانکارا پەیوەندیمان گرت. بە مەرجێک نێوی کەس نەهێنین، قسەیان لەگەڵ کردین. یەکێک گوتی: لەبەر ئەوە ئۆپێراسیۆنەکە سەرکەوتوو نەبوو، کەوابوو باشترە سەرنج بۆ لایەکی تر ڕابکێشرێت. ئەم ئۆپێراسیۆنە پرسی کوردی لە ئاستی نێونەتەوەییدا بەرز کردەوە، ئەم ئۆپێراسیۆنە هیچ پێویست نەبوو جا با نێوی بنێین شەڕ یان نا. ئاکامی نەخوازراویشی لێ کەوتەوە، لەوانە ڕاکردنی ژمارەیەک زیندانیی داعش و چوونی ژمارەیەک گەنجان بۆ ڕیزی ڕێکخراوە کوردییەکان لە تورکیا و لە سووریا.
کاربەدەستانێکی تر دەڵێن ئامانجێکی تر ئەوەیە سەرنجەکان لە کۆتایی هاتنی سەیری ئەم ئۆپێراسیۆنە بۆ شوێنێکی تر ڕابکێشن. سەرنجدان بە تاکە کەسێک زۆر ئاسانترە لەوەی بۆ خەڵک ڕوون بکەیتەوە بۆچی ئۆپێراسیۆنەکە سەرنەکەوت.
سەرەڕای ئەوانە، ئانکارا لە شتێکی تر نیگەرانە: پێداهەڵگوتنی تێرۆریستێک [مەزلووم عەبدی] لە لایەن ترامپ و پووتینەوە، واتە ئەو دوو کەسەی ئەردۆغان بەردەوام پێیان دەڵێ "دۆستەکانم". ئەمە دەتوانێت گەورەترین زیان بێت کە لە ئۆپێراسیۆنی "ئاشتیی بەهار" کەوتبێتەوە. لە پەنای ئەوەشدا ئەو هەموو کەسەی کە گیانیان لەدەست دا و هەروەها ڕەوایی دان بە خواستەکانی کوردەکان بۆ مافی چارەنووس لە ئاستی جیهاندا.
پینار ترەبلای – ڕۆژنامەوانی المونیتور
بۆ زانیاری زیاتر
وەرگیراوه
به‌روار:  02/11/2019
245   جار خوێندراوه‌ته‌وه
  بابه‌تی زیاتر ...
(سبەی): بەڕێوەبەری گشتی تەندروستی سلێمانی رایدەگەیەنێت؛ هەفتەی داهاتو هەفتەیەکی هەستیارە بۆ خۆپارێزی لە پەتای کۆرۆنا لە شاری سلێمانی و دەوروبەی، داواش لە هاوڵاتیان دەکات زیاتر پاب درێژه‌ ...
Omar Sheikhmous behsa gotûbêjeke di navbera Olof Palme û Wilhelm Moberg de dike û dibêje helwesta Olof Palme ya li hemberî rexneyên tûj ez di nava şokê de hiştibûm. Olof Palme d درێژه‌ ...
لە پێشهاتێکى نوێدا سەرۆکى وڵاتى مەنگۆلیا دواى گەڕانەوەى لە چین وەک یەکەم سەرۆکى وڵاتان خرایە ناو قەرەنتینەوە بە گومانى توشبوون بە ڤایرۆسى کۆرۆنا. ئاژانسى هەواڵى مەنگۆلیا بڵاوی درێژه‌ ...
سەرۆک وەزیرانی یۆنان پەیامێکی ئاراستەی کۆچبەرانی کرد ئەمڕۆ سەرۆک وەزیرانی یۆنان، کیریاکۆس میچۆتاکیس و سەرۆک وەزیرانی بوڵغاریا، بۆیکۆ بۆریسۆڤ، لە باکوری یۆنان کۆبوونەوە و جەختیان درێژه‌ ...
شەڕ لە ئیدلب بەرفراوان بوو، لە ئەنجامی بۆردوومانی فڕۆکە جەنگییەکانی ڕوسیا دژی سوپای داگیرکەری تورک دەیان سەربازی تورک لەو شارە کوژران، تورکیاش باڵیۆزی ڕوسیای لە وڵاتەکەی کردەدەرەوە درێژه‌ ...
ووڵاتی دانیمارک کوژرانی ژنێکی کوردی دانیمارک ، کە خەڵکی کۆبانێ یە لە ڕۆژئاوای کوردستان بە ناوی ( هودا عەلی ئەحمەد ) و ، تەمەنی 27 ساڵە. چەند ڕۆژێك پێش ئێستا بە سەردان گەڕابوەوە ب درێژه‌ ...
سنوری وشكانی و ئاوی توركیا له‌مه‌و دوا كراوه‌ ده‌بن بۆ په‌نابه‌رانی سوریا و ڕۆژئاوای كوردستان به‌ پێی ئاژانسی ڕۆیته‌رز (Reuters) كه‌ كه‌مێك به‌ر له‌ ئێست لێدوانێكی به‌رپرسێكی با درێژه‌ ...
میدیاکانی تورکیا بڵاویانکردەوە، لە دورگەی ئیمرالی کە لە ساڵی ١٩٩٩ـەوە ئۆجالان تێیدا زیندانیکراوە، ئاگر کەوتووەتەوە. ئەمڕۆ سولەیمان سویلو وەزیری ناوخۆی تورکیا هەواڵی ئاگرکەوتنەکە درێژه‌ ...
دوێنێ ئێوارە درەنگانێک ڕاگەیندرا کە پیاوێکی ٣٠ ساڵان لە شاری یۆتێبۆری تووشی ڤایرۆسی کۆرۆنا بووە. ئەو کەسە ئێستا لە نەخۆشخانەی سالگرێنسکایە و بە وتەی سەرۆکپزیشکی نەخۆشخانەکە پەر درێژه‌ ...
ڤاكسین دژی ڤایرۆسی كۆرۆنا تاقیكرایەوە ئاماده‌یه‌. 🙏🇱🇷 رۆژی 25ی فێبریوه‌ری كۆمپانیای ده‌رمانی (مۆدێرنا- ئای ئێن سی) ئیداره‌ی تره‌مپ-ی ئاگاداركرده‌وه‌ كه‌ ڤاكسین دژی كۆرۆن درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   64
کۆی سه‌ردان:   18880386