ئەمنستی: تورکیا تاوانی جەنگی لە رۆژئاڤا ئەنجامداوە.. ڤیدیۆ
خەندان-

رێكخراوی لێبوردەیی نێودەوڵەتی Amnesty International رایگەیاند، لەمیانی ئۆپەراسیۆنەکەی سوپای تورکیا و گروپە چەکدارەکان بۆ سەر رۆئاڤای کوردستان تاوانی شه‌ڕی ئه‌نجامدراوه‌.

رێكخراوی لێبوردەیی نێودەوڵەتی Amnesty International راپۆرتێکی لەبارەی پێشێلکاریەکانی سوپای تورکیا و گروپە چەکدارەکان بڵاوکردەوە و رایگەیاند،  "سوپای تورکیا و گروپە چەکدارەکان ره‌فتارێکی جێگای شه‌رمیان به‌رامبه‌ر به‌ هاوڵاتیانی سڤیل ئەنجامداوە، وه‌ک چه‌ندین پێشێلکاری جددی و تاوانه‌کانی شه‌ڕ که‌ کوشتنی هه‌ڕه‌مه‌کی و هێرشه‌کانی نایاسایی ده‌گرنه‌وه‌".

ئاماژەی بەوەشکردوە، سوپای تورکیا و گروپە چەکدارەکان هەریەکە لە کارمه‌ندانی پزشکی و فریاکه‌وتن، هاوڵاتیانی سڤیل و ئاواره‌کان، ڕۆژنامه‌نوسان، کارمه‌ندانی خۆجێی و نێونه‌ته‌وه‌یی به‌شی مرۆڤایه‌تی کردوەتە ئامانج، ئەوەش بە پێی وتەی شایەتحاڵەکان و گرتە ڤیدیۆیەکان پشتڕاستکراوەتەوە.

نۆی ئەم مانگە، سوپای تورکیا بە پاڵپشتی گروپە چەکدارەکانی نزیک لە تورکیا ئۆپەراسیۆنی سەربازی ئاسمانی و دواتریش زەمینی بۆ سەر ناوچەکانی رۆژهەڵاتی فورات دەستپێکردوە، کە لە ژێر کۆنتڕۆڵی هێزەکانی سوریای دیموکرات (هەسەدە) دایە.

رێكخراوی لێبوردەیی نێودەوڵەتی دەشڵێت، ئه‌و زانیاریانەی کۆکراونەتەوە به‌ڵگه‌ی حاشا هه‌ڵنه‌گر سه‌باره‌ت به‌ هێرشی هه‌ڕه‌مه‌کی سوپای تورکیا و گروپە چەکدارەکان ئاشکرادەکات.

کوومی نه‌یدو، به‌رپرسی گشتی رێكخراوی لێبوردەیی نێودەوڵەتی لەوبارەیەوە رایگەیاندوە، "هێرشی سوپای تورکیا و گروپە چەکدارەکان بۆ سەر رۆژئاڤای کوردستان ژیانی هاوڵاتیانی وێران کردوە، هاوڵاتیانی سڤیل جارێکی دیکە زۆریان بۆهاتوە کە ماڵەکانیان بەجێبهێڵن و ئاوارەبن، هاوڵاتیان لە نێو بۆمبارانی هەڕه‌مەکی، کوشتن، رفاندندا دەژیان و سوپای تورکیا هیچ نرخێکیان بۆ ژیانی هاوڵاتیان دانەدەنا".

باسی لەوەشکردوە، "تورکیا بەرپرسیارە لە کردەوەکانی گروپە چەکدارەکان کە پشتیوانیان دەکەن، تا ئێستا تورکیا رێگری لەو گروپانە نەکردوە بۆ ئەنجامنەدان کردەوە تێکدەرانە کە لە عەفرین و چەندین شوێنی دیکەی ئەنجامیانداوە".

به‌رپرسی گشتی رێكخراوی لێبوردەیی نێودەوڵەتی داوا لە تورکیا دەکات کۆتایی بە پێشێلکاریەکانی بهێنێت و رێگری بکات لە ئەنجامدانی تاوانی جەنگ لەلایەن گروپە چەکدارەکانەوە، چونکە لەوبارەیەوە ناتوانێت خۆی لە تاوانی جەنگ لابدات".

سەیری ڤیدیۆیەکە بکە
به‌روار:  19/10/2019
1771   جار خوێندراوه‌ته‌وه
  بابه‌تی زیاتر ...
کە کەرەنتینە کرایەوە چوومە بانق. فەرمانبەرێکی ژن ئەمەی دامێ و ووتی: تێیهەڵکێشە. ووتم: خاتوون ئەوە زۆر بچووکە نابێت. ژنەکە بە مۆنیەکەوە سەیری کردم و ووتی: لە پەنجەت هەڵکێشە پا درێژه‌ ...
دوو پزیشكی ناو شاری سلێمانی باس له‌ دۆخی ئیستای نه‌خۆشخانه‌كانی شاره‌كه‌ ده‌كه‌ن و ده‌لێن: "تووشبووی وای تێدایه‌ هیچ نه‌خۆشییه‌كی درێژخایه‌نی نییه‌، كه‌چی ناتوانێ رسته‌یه‌ك به‌سه‌ر درێژه‌ ...
ئەم تۆڵەیەی یانڵچتان پێ چۆنە؟ حەسیب یانڵچ لە ئینستیتوتی ئامەد لە باکوری کوردستان زمانی کوردی دەووتەوە. بەڵام ساڵێک لەمەوبەر ناچار کرا وڵات جێبهێڵیت و بێتە سوید. ئێستا یەکەم ئینس درێژه‌ ...
ژیار محەمەد د.كامه‌ران قه‌ره‌داغی پزیشكی ڕاوێژكاری نه‌خۆشیه‌كانی سنگ و بۆری هه‌وا له‌كۆلێژی پزیشكی زانكۆی سلێمانی دکتۆر کامەران قەرەداخی پزیشکی ڕاوێژکاری نەخۆشیەکانی سنگ و بۆ درێژه‌ ...
من چیم ئەویست لە نیشتمان جگە لەوەی کەنانێک و که‌ کونجێکی دڵنیایی و گیرفانێکی بە حورمەت و مشتێ هە تاوی ئارام و بارانێکی خۆشەویستیی و پەنجەرەیەکی کراوەی سەر ئازادی و عەشقم بات درێژه‌ ...
ئه‌ی هه‌ژاریی! تۆ به‌ته‌مای دادپه‌روه‌ریی ئێره‌ مه‌به‌ چونکه‌ نایه‌ت ئه‌گه‌ر بێتیش ده‌مامکدار ئه‌گه‌ڕێت و له‌ ژێره‌وه‌یش ده‌ستی له‌گه‌ڵ گه‌وره‌ دزاندا تێکه‌ڵه‌! شێرکۆ درێژه‌ ...
کەلاوەی قوتابخانەیەک هاواری کرد: چەندین وەرزە نانی بەڵێن بە هەنگوینی خەیاڵەوە ئەخۆین چەندین ساڵە دروشم و شیعر و بانگەشە و پەیڕەوی ناوخۆ و بەرنامە و سروودی تازە و کۆن ئەخۆین درێژه‌ ...
نووسەر و هۆزانڤانی باکوری کوردستان قادر بیوکایە 10 هۆنراوەی بەشێوەزاری زازاکی کرمانجی سەروو لە ئەلبومێکدا چەندان گۆرانیبێژی هەموو بەشەکانی کوردستان میلۆدی بۆ دادەنێن. له‌و باره درێژه‌ ...
دان پێنانی ژنێك ...! """"""""""""""""""""""""""""" ژنێك دوای ئەزمونی 17 ساڵ لە هاوسەرگیریدا دەڵێ : ـ ئەگەر ژن نیوەی کۆمەڵ و دایکی نیوەکەیتریش بێت ئەوا پیاویش نیوەی کۆمەڵ و باوک درێژه‌ ...
ئاوێنه‌: شەوی ڕابردوو لە شاری ئەنقەرەی پایتەختی تورکیا گەنجێکی کورد، بەهۆی ئەوەی گوێی لە گۆرانی کوردی دەگرت، بە چەقۆ کوژرا. بە گوێرەی هەواڵێکی ئاژانسی مەزۆپۆتامیا، گەنجێکی تەمەن درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   1060
کۆی سه‌ردان:   19645154