كوردی ئەوروپا پشتگیری لەرۆژئاوا دەكەن
بۆ مەحكومكردنی سیاسەتەكانی توركیا و هەڕەشەكانی بۆسەر باكوری سوریا "رۆژئاوا" كوردستانیانی ئەوروپا لەچەندین وڵاتی ئەوروپا رژانە سەر شەقامەكان و لەمەیدان و سەنتەرەكاندا چەندین چالاكیان نواند و زۆرێك لەڕۆژنامە و میدایاكانی ئەروپاش ئەو چالاكیانەیان بڵاوكردەوە.

شارەكانی ئەڵمانیا:

*نۆرنبیرگ

ئێوارەی دوێنێ 8ی تشرینی یەكەمی2019 لەبەردەم لۆرەنس كیرشەی نۆرنبێرگدا كوردستانیان بەهەڵكردنی ئاڵای یەپەگەو قەسەدەو چەندین دروشمی ڕسواكردنی سیاسەتەكانی ئەردۆگان ،بەبەشداری چەپەكانی ئەڵمانیاو پلاتفۆرمی دیموكراتخوازەكان و نوێنەری لایەنە سیاسیە كوردستانیەكان و كۆمەڵەو ڕێكخراوە كلتوریەكان بەزمانەكانی ئەڵمانی و كوردی  پەیامی نارەزاییەكانیان گەیاندو سیاسەتەكانی توركیاو بێدەنگی و بەرامبەر بە ڕەشەكوژی خەڵكی سڤیلی كورد  سیاسەتی ئەمریكاو ئەوروپا بە سیاسەتی دوفاقی و بەرژەوەندیەكان لەسەر حسابی گەلێك وەسفكرا كە لە هاوپەیمانی دژی داعشدا لەریزی پێشەوەی تێكشانی داعش دا بووەو زیاتر لە ١١ هەزار شەهیدیان بەخشیوە.. داوا لەئەلمانیاو ئەوروپاو ئەمریكا كرا ئیتر دەستبەرداری سایسەتی بەرژەوەندی ببن لەسەر حسابی میللەتان و دۆستەكانی خۆیان لەبیر نەكەن و ڕێگری لەهێرشی توركیا بكەن كە دەبێتە كارەسات نەك هەر بۆ دۆستی هاوپەیمانان بگرە بۆ هەموو دنیا دەبێتە هۆی نائارامی و زیندوكردنەوەی دەوڵەتی تیرۆرستی داعش..

 

*مونستەر:

ئێوارەی دوێنێ لەشاری مونستەری ئەڵمانیا هاوكات لەگەڵ ئەوروپاو شارەكانی تری ئەڵمانیادا كوردستانیان كۆبونەوەو هەڕەشەكانی توركیایان بۆسەر باكوری سوریا"رۆژئاوا" مەحكومكرد.. كوردستانیان لەو چالاكیانەدا ئاڵای یەكینەكانی پاراستنی گەڵ "یەپەگ"یان بەرز كردبوە.

 

*مانهایم:

بەهەمان شێوە لەشاری مانهایم لەگەڵ بەرزكردنەوەی چەندین دروشمی ڕسواكردنی سیاسەتەكانی توركیاو هەڕەشەكانی بۆسەر رۆژئاوا و بەزمانی ئەڵمانی كوردستانیان چالاكیان نواندو پەیامی خۆیان گەیاندە شەقامی ئەڵمانی و سەرنجی حكومەتی ئەڵمانیایان بۆسەر ئەو مەترسیانەی لەسەر كورد هەیە ڕاكێشاو پشتیوانی خۆیان بۆ رۆژئاوا دوپتكردەوە.

 

*شاری دویسبۆرگ:

بەدروشمی لەسەر دەوڵەتی توركیایە لە رۆژئاوا بكشێتەوە  كوردستانیان لەشاری دیسبۆرگ  بەزمانەكانی توركی و ئەڵمانی سیاسەتەكانی توركیایان لەمەڕ رۆژئاوا رسواكردو  ئەو پلانەیان رسواكرد كە بەرنامەیان بۆ داناوە.. چالاكوانان ئیدانەی هەڵوێستی نێودەوڵەتی و شەرمنانەی هەندێك لەوڵاتانی ئەوروپایانكرد و ئەوانیان بە هۆكاری زەمینەی هێرشیكی لەوجۆرەی توركیا بۆسەر دۆستەكانی هاوپەیمانی خۆشكردوە.بەرپرسیارێتیشیان خستۆتەسەر ئەمریكاو هاوپەیمانەكان لەوەی هەرچی ڕوبدات  بەتایبەتی لەتاوانی پاكتاوی نەژادی لەسەر كورد..داواشیانكرد توركیا لە رۆژئاوا بچێتە دەرەوە و ئەمریكاو هاوپەیمانان پاشەكشە لەو بڕیارە بكەن.

 

*شاری كۆڵن:

لەشاری كۆلنیش كوردستانیان هەرەشەكانی توركیایان ڕسواكردو مەحكومكردو بەهاوكاری چەندین هونەرمەندو ڕێكخراوی ئەڵمانی چالاكیەكانیان بەرێوەبرد و چلاكوانان هاوكاری و پشتگیری نێودەوڵەتیان  هاوشێوەی ساڵی 2015 بۆ تێكشكاندنی داعش لە كۆبانی بەگرنگ و پێویست زانی.

 

*شاری ئیسن

 شاری ئێسن بەهەمان شێوەی چالاكی كوردستانیانی بۆ ڕسواكردنی هەڕەشەكانی ئەردۆگان لەخۆگرت و ڕەخنە لە سیاسەتی دوو ڕوویی ئەمریكاو یەكێتی ئەوروپا گیرا.

 

شاری زاربروكن:

لەشاری زاربروكن و لەبەردەم پێشانگای ئەوروپی كوردستانیان چەندین چالاكیان نواندو دوای خوێندنەوەی چەند وتارێك بەزمانی ئەڵمانی بەشێوەی خۆپشاندان چونە بەردەم پارێزگای شارەكەو پەیامی خەڵكی كوردستانیان گەیاندە حكومەتی ئەڵمانی و داویانكرد لەبەردەم هەڕەشەكانی توركیادا بێدەنگ نەبن و پشت نەكەنە دۆستەكانیان لەجەنگی دژە تیرۆردا. 

 

شاری هامبۆرگ:

لە هامبۆرگ لەبەردەم "روت فلورا"ی ناوەندی گروپە چەپە بێلایەنەكانی ئەو شارەدا كوردستانیان و دۆستانی ئەڵمان كۆبونەوە لەو گرد بونەوەیەدا جێگری سەرۆكی پارتی چەپەكان لەهامبۆرگ"كانسو ئەزدەمیر" ڕایگەیاند.. گەلی كورد لەپێناوی ئازادی دا خەبات دەكات، خاكی كەسی داگیر نەكردوە بەڵام ئەڵمانیاو ئەوروپا  لەبەردەم هەڕەشەكانی داگیركاریدا بۆسەر خاكەكەیان بێدەنگن.

 

*هانۆڤەر

هەمانكات كوردستانیان و دۆستانی ئەڵمان ڕێپێوانێكیان بۆ پشتگیری لە رۆژئاوا بەرێوەبردو جەختیان لەخەبات و بەردەوامی و خۆڕاگری لەبەردەم هەڕەشەكانی توركیادا كردەوە.

 

*شاری بریمەن:

كوردستانیان بەهاوكاری نوێنەرانی دامەزراوە دیموكراتخوازەكانی ئەڵمانیا و حزبە سیاسیەكان پشتیوانی خۆیان بۆ رۆژئاوا دوپاتكردەوە لەو چالاكیانەدا پەرلەمانتاری چەپەكانی ئەڵمانیا"كیندی تونسیل" و "سیتین جیرۆ"ی پسپۆرو ئەكادیمی وتاریان پێشكەش كردو  لەوتەكانیاندا ئاماژەیان بەوەدا "توركیا دەیەوێت هەموو دەستكەوتەكانی كورد لەڕێگەی هێرش و داگیركاری باكوری سوریا لەناو ببات هەربۆیە كوردەكان بڕیاری ڕوبەڕوبونەوەو خۆڕاگریان بەرامبەر بەو فاشیەتە داوە.

 

وڵاتی سوید

لەوڵاتی سوید بەهەمان شێوە چەندین چالاكی بەرێوەبراو پشتیوانی بۆ رۆژئاوا كرایە دروشمی پشتگیری ولەولاتی فەرەنساش لەشارەكانی پاریس و مارسیلیا و رێنێس چالاكی جۆراو جۆر پێشكەشكراو لە سویسراش لەشارەكانی "بیەل و باستیل وبێرن لەدژی هەوڵدانی داگیركەریی تورك ڕژانە سەر شەقامەكان. داوایانكرد كورد لە داگیركاریی ڕۆژئاوا بپارێزن"، لەولاتی داهناخ ی هۆڵەندەش لەدژی سیاسەتەكانی داگیركاری توركیا بۆسەر رۆژئاوا لەشارەكانی  كوردستانیان ناڕەزاییان دەربری.

بڕیاریشە ئەمڕۆ 9ی تشرینی یەكەم لەبەردەم پەرلەمانی ئەوروپا بۆ پشتگیری لەرۆژئاوا كوردستانیان خۆپیشاندانێكی گەورە بۆ پشتگیری لەڕۆژئاواو رسواكردنی هەلوێستی پشتكردنە كوردی هاوپەیمانی دژی داعش بەڕێوەدەبەن.

PUKmedia شیهاب عوسمان-ئەڵمانیا

 
به‌روار:  09/10/2019
65   جار خوێندراوه‌ته‌وه
  بابه‌تی زیاتر ...
K24 – هه‌ولێر: رێبه‌ری پارتی گردبوونه‌وه‌ی نیشتمانی راستڕه‌وی فه‌ره‌نسا، مارین لۆپان داوایكرد، توركیا له‌ په‌یمانی باكووری ئه‌تڵه‌سی(ناتۆ) ده‌ربكرێت. له‌ لێدوانێكدا بۆ ئێستگه درێژه‌ ...
نەوا سیناتۆرێكی كۆماریەكانی ئەمریكا دەڵێت: ناوچەی ئارام لە ژێر چاودێری نێودەوڵەتی دەبێت، هاوكات بە گەشبینیەوە لە داهاتووی كوردانی رۆژئاوا دەڕوانێت و باس لەوەدەكات: دۆناڵد ترامپ دە درێژه‌ ...
ئه‌مڕۆ یه‌كشه‌ممه‌، گه‌شتێكی كۆمپانیای هێڵی ئاسمانی توركیش ئێرلاین له‌ سلێمانییه‌وه‌ بۆ ئیسته‌نبوڵ له‌ فڕۆكه‌خانه‌ی نێوده‌وڵه‌تی سلێمانییه‌وه‌ به‌هۆی كه‌می سه‌رنشینه‌وه‌ هه‌ڵوه‌شای درێژه‌ ...
حەوتەمین گروپی گەنجانی باشوری کوردستان لەدژی هێرشە داگیرکەرییەکانی دەوڵەت تورک بۆسەر ڕۆژئاوای کوردستان بەشداری بەرخۆدانی شکۆمەندی ڕۆژئاوای کوردستان بوون. گروپی حەوتەمی گەنجانی ب درێژه‌ ...
وێستگە نیوز- دەزگای لوتكە بۆ كاروباری پەنابەران ڕایدەگەیەنێت، تەرمی پەنابەرێكی كورد لە وڵاتی ئەڵمانیاوە گەڕێنرایەوە هەرێمی كوردستان. دەزگای لوتكە بۆ كاروباری پەنابەران ئەوە دەخ درێژه‌ ...
خەندان- رێكخراوی لێبوردەیی نێودەوڵەتی Amnesty International رایگەیاند، لەمیانی ئۆپەراسیۆنەکەی سوپای تورکیا و گروپە چەکدارەکان بۆ سەر رۆئاڤای کوردستان تاوانی شه‌ڕی ئه‌نجامدراوه‌. درێژه‌ ...
لیندز گراهام سیناتۆری کۆماریەکان ڕایگەیاند، پەیوەندیەکى تەلەفۆنى لەگەڵ مەزڵوم کۆبانێ ئەنجامداوە و تێیدا هەوڵەکانى سەرۆکى ئەمریکاى به‌رزنرخاندووه‌ بۆ راگرتنی توندوتیژییه‌كان. لین درێژه‌ ...
ئەمڕۆ گروپی شەشەمی گەنجانی باشوری کوردستان کە لە نۆ گەنج پێکدێت لە ناوچەکانی کەرکوک، ڕاپەڕین، سلێمانی و چەمچەماڵ، بۆ بەشداری لە بەرخۆدانی شکۆمەند خۆیان گەیاندە ڕۆژئاوای کوردستان تا درێژه‌ ...
نامەی ژنی سەربازێکی ئەمریکی بۆ شەڕڤانان کەناڵی سی ئێن ئێن، نامەی ژنی سەربازێکی ئەمریکی بۆ شەڕڤانان بڵاوکردۆتەوە، منیش وەک خۆی کردم بەکوردی، دەقە ئینگلیزییەکەی لەکۆمێنت دادەنێم. درێژه‌ ...
بێستوون هادی، نزیکەی ١٤ ساڵە یاریی باسکەی سەر کورسی دەکات و یەکێکە لە یاریزانە دیارەکانی باسکەی سەر کورسی لە سویددا. بیستوون هادی نزیکەی چەند ساڵەی یاری سەرکوورسی دەکات و لەم ما درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   126
کۆی سه‌ردان:   18357364