ئەمریکا هەڕەشە لە ئێراقەکان دهكات گەر مامەڵەیان لەگەڵ پاسداران هەبێ
وهزارهتی گهنجینهی ئهمریكا رایگەیاند، ههر لایهنێكی سیاسیی عیراقی مامهڵهی لهگهڵ سوپای پاسدارانی ئێراندا ههبێت، سزای بەسەردا دەسەپێنن.
مارشال بیلینگلیسیا، یاریدهدهری وهزیری گهنجینهی ئهمریكا بۆ كاروباری بنبڕكردنی تیرۆر باسی لەوەکردووە، لهگهڵ پارێزگاری بانكی ناوهندیی عیراق كۆبوهتهوه، چونكه ئهو له دۆخهكه تێدهگات، مهبهستیشی لهوه بوو كه دهبێت عیراق بهو سزایانهوه پابهند بێت كه ئهمریكا بهسهر ئێرانیدا سهپاندوه.
باسی لەوەشکردووە، ههر كهسێك بچێته لیستی تیرۆرهوه، دانوستانی لهگهڵ ناكهن، وهك نمونهش ئاراس حهبیب، بهڕێوهبهری بانكی وڵاتی ئیسلامیی بهبیرهێنایهوه و وتی، "ئاراس حهبیب یهكێك بووه لهوانهی كارئاسانیی بۆ كاری تیرۆرستی كردوه".
یاریدهدهری وهزیری گهنجینهی ئهمریكا بۆ كاروباری بنبڕكردنی تیرۆر ئاشكراشیكردووە، كه ئهمریكا موڵك و سامانی ئاراس حهبیب، سهرۆكی حزبی كۆنگرهی نیشتمانی و بانكی وڵاتی ئیسلامی له عیراق سڕ كردوه و دوودڵیش نابێت له سزادانی ههر هێزێكی سیاسیی عیراقیی دیكه ئهگهر بهسهریدا ساغ بووهوه مامهڵه لهگهڵ سوپای پاسدارانی ئێران دهكهن.
ئێن ئاڕتی
بهروار: 14/09/2019
394 جار خوێندراوهتهوه
|