|
کاروانێکى دیکەى سەربازی لە هەرێمەوە دەگاتە رۆژئاواى کوردستان
روانگى سورى بۆ مافەکانى مرۆڤ ئاشکرایکرد، ٢٠٠ بارهەڵگرى سەربازیی هاوپەیمانى نێودەوڵەتى لە ڕێگەى هەرێمى کوردستانەوە رەوانەى رۆژئاواى کوردستان کراوە.
روانگەکە لە راگەیەندراوێکدا ئاماژەى بەوە کردووە، کاروانێکى چەک و کەرەستەى سەربازى هاوپەیمانیى نێودەوڵەتى کە لە نزیکەى ٢٠٠ بارهەڵگر پێکهاتووە، لە هەرێمى کوردستانەوە رەوانەى رۆژئاواى کوردستان کراوە، لە چوارچێوەى ناردنى هاوکارییە سەربازى و لۆجستییەکان بۆ هەسەدە.
بەپێی ئامارەکانى روانگەى سورى، دواى راگەیاندنى کۆتاییهێنان بە داعش لە ئازارى رابردوودا، تا ئێستا دوو هەزار و ٣٠٠ بارهەڵگر چەک و کەرەستەى سەربازى بە ٢٣ قۆناغ رەوانەى رۆژئاواى کوردستان کراون.
رەوانەکردنى چەک و کەرەستەى سەربازى لەلایەن هاوپەیمانانەوە بۆ رۆژئاواى کوردستان، هاوکاتە لەگەڵ رێککەوتنى ئەمریکا و تورکیا بۆ دروستکردنى ناوچەى ئارام لە باکورى سوریا.
فەرماندەکانى هەسەدە پیشتر رایانگەیاندبوو، کە واشنتن و هاوپەیمانان گرەنتى پاراستنیان پێ داون بەرانبەر هەر هەڕەشەیەکى تورکیا، لەکاتى دروستکردنى ناوچەى ئارامدا.
نالیا
به‌روار: 22/08/2019
455 جار خوێندراوه‌ته‌وه
|