|
لە هۆڵندا ٤٠٠ کەس لە یەک حەفتە مردوون بە هۆی گەرماوە
شارپرێس:
بریکاری ئاماری نیشتیمانیی هۆڵەندا ڕۆژی هەیینی ئەمڕۆ ڕایگەیاند کە هەفتەی ڕابردوو لە هۆڵەندا ٤٠٠ کەس بە هۆی بەرز بوونەوەی پلەکانی گەرماوە مردوون.
بە هۆی ئەو شەپۆلی گەرمایەی کە وڵاتانی ئەوروپی بە گشتی گرتووەتەوە ئامارەکانی مردن زۆر زیادیان کردوە بە بەراورد بە ساڵانی پێشوو.
لە هەفتەی یەکەمی مانگی تەموزەوە لە هۆڵه‌ندا ٢٩٦٤ کەس بە هۆی گەرماوە مردون، ئەم رێژەیەش ١٥ ئەوەندەی هەر هەفتەیەکی ئاسایییە لە هۆڵەندا ئەوە دەگەیێنێت لە هەر هەفتەیەکدا ٤٠٠ کەس بە هۆی گەرماوە دەمرن، لە هەر ٤٠٠ کەسێکی مردوو ٣٠٠ کەس تەمەنی لە سەروو ٧٠ ساڵەوەیە، شایەنی باسە دانیشتوانی هۆڵەندا ١٧ ملیۆن کەسە.
لە مانگی تەموزەوە رێژەی پلەکانی گەرما گەیشتووەتە زیاتر لە ٤٠ پلە لە سەرانسەری ئەوروپا و لە ووڵاتی هۆڵەنداش سەروو ٤٠ پلەیە کە ئەمەش بۆ یەکەمجارە لە مێژووی ئەو ووڵاتەدا پلەکانی گەرما بگاتە ئەو رادەیە لە بەرزبونەوە
وەرگێڕان: ڕەنج ڕەسو
به‌روار: 10/08/2019
652 جار خوێندراوه‌ته‌وه
|