ژن و مێردێکی هەولێر هەڕەشەی خۆکووشتنی خۆیان و مناڵەکەیان لە جەژندا دەکەن
خەندان-

هاوڵاتیەكی سنوری پارێزگای هەولێر كە خۆی و هاوسەرەكەی بڕوانامەی ماستەریان هەیە، لەرێگەی خەندانەوە پەیامێك ئاراستەی بەرپرسانی هەرێمی كوردستان دەكات و دوایان لێدەكات بەهانایەوە بچن و دەشڵێت، كوڕەكەم داوای جلی جەژنی لێكردوم، بەڵام من تەنها چوار هەزار دینارم پێبوە، هێندە بێزارین لەگەڵ خێزانم بڕیارمانداوە شەوی جەژن كۆتایی بە ژیانی خۆشمان و منداڵەكەشمان بهێنین.

من ساڵی 2016 ماستەرم تەواوكردوە و شوێن نەماوە روی تێنەكەم، چومەتە زانكۆكانی( زاخۆ و سلێمانی و هەڵەبجە و راپەڕین و سەڵاحەدین) پێیانوتم دامەزراندن نییە


ئەو هاوڵاتییە كە خەندان هەمو زانیارییە تایبەتەكانی لای خۆی پاراستوە، دەڵێت لە ساڵی 2016 ەوە ماستەرم تەواوكردوە، هاوسەرەكەشم بڕوانامەی ماستەری هەیە، بەڵام بەداخەوە هەتاكو ئێستا من لەهیچ شوێنێك تەنانەت بە گرێبەستیش دانەمەزراوم.

مامۆستا دەناسم لە چوار شوێن دەوام دەكات، باشە بۆچی بۆ ئەو هەیە بۆ من نییە، هۆكارەكەی ئەوەیە كە سەرۆك زانكۆكان و راگرەكان هاوڕێو ناسیاوەكانی خۆیان دەهێنن


لە پەیوەندییەكی تەلەفۆنیدا لەگەڵ خەندان، ئەو هاوڵاتییە وتی"من ساڵی 2016 ماستەرم تەواوكردوە و شوێن نەماوە روی تێنەكەم، چومەتە زانكۆكانی( زاخۆ و سلێمانی و هەڵەبجە و راپەڕین و سەڵاحەدین) پێیانوتم دامەزراندن نییە، وتم باشە بە گرێبەست، وتیان نییە، وتم باشە بە سەردان بۆم دابنێن، من مامۆستا دەناسم لە چوار شوێن دەوام دەكات، باشە بۆچی بۆ ئەو هەیە بۆ من نییە، هۆكارەكەی ئەوەیە كە سەرۆك زانكۆكان و راگرەكان هاوڕێو ناسیاوەكانی خۆیان دەهێنن".

پێی وتم من هیچت بۆ ناكەم، من ئەگەر بمەوێت ئەوە بكەم، كوڕەكەی خۆم پێشترە لە تۆ بۆ ئەوی ناكەم چۆن بۆتۆی دەكەم


دەشڵێت،"كۆتاجار، پێش چەند رۆژێك سەردانی راگری یەكێك لە كۆلێژەكانی زانكۆی سەڵاحەدینم كرد، پێموت كە پسپۆڕییەكەی من پەروەردەی تایبەتە و زۆر پێویستیان بە بوارەكەی منە، لە وەڵامدا پێی وتم من هیچت بۆ ناكەم، من ئەگەر بمەوێت ئەوە بكەم، كوڕەكەی خۆم پێشترە لە تۆ بۆ ئەوی ناكەم چۆن بۆتۆی دەكەم"

من كارێكم هەبو، مانگی 400 هەزارم وەردەگرت و ژیانمی پێوە بەڕێوەدەچو، بەڵام لەبەرئەوەی من نازناوی زانستیم نییە بەشداری خولی توانستی ئینگلیزیم كرد و وازم لە كارەكەم هێنا


ئەو خاوەن بڕوانامەی ماستەرە راشیگەیاند،"من كارێكم هەبو، مانگی 400 هەزارم وەردەگرت و ژیانمی پێوە بەڕێوەدەچو، بەڵام لەبەرئەوەی من نازناوی زانستیم نییە، لەئێستاشدا بەبڕیاری وەزارەتی خوێندنی باڵا، دەبێت بەشداری خولی ئەمدیست بكەیت بۆ ئەوەی ئاستی زمانی ئینگلیزیت بگاتە 5ی ئایەلس و بەو هۆیەوە نازناوم پێ بدرێت، لەسەر كارەكەم خاوەن كۆمپانیاكە پێی راگەیاندم ناتوانین هاوكاریت بكەین و سێ رۆژ دەوام كەمتر بكەیت، منیش ناچار وازم لەكارەكەم هێنا، چونكە لەگەڵ كاتی دەوامی خولەكەم نەدەگونجا".

زۆر بێزاربوم لە ژیان، كوڕەكەم داوای جلی جەژنی لێكردوم، بەڵام من تەنها چوار هەزار دینارم پێبوە


هەر بەوتەی خۆی لەئێستادا ژیانی ماددی زۆر خراپە و دەڵێت،"هیچ موچەیەكم نییە، دەبێت بۆ خولی داهاتوی ئەمدیست بۆ وەرگرتنی بڕوانامەی ئینگلیزی 300 هەزار دینار بدەم، زۆر بێزاربوم لە ژیان، كوڕەكەم داوای جلی جەژنی لێكردوم، بەڵام من تەنها چوار هەزار دینارم پێبوە، سوێند بەخوا من و خێزانم بڕیارمانداوە شەوی عەرەفە كۆتایی بە ژیانی خۆمان بهێنین و كوڕەكەشمان بكوژین، بۆیە داوا دەكەم خەندان كێشەكەمان بگەیەنێتە بەرپرسانی ئەم وڵاتە، داوا دەكەم بەرپرسان بەهانامانەوە بێن"

تێبینی: خەندان تەواوی زانیارییە تایبەتەكانی ئەو هاوڵاتییەی لای خۆی پاراستوە و وەك ئەركێكی پیشەیی ناوی ئەو هاوڵاتییە و خێزانەكەی بڵاونەكردەوە.
به‌روار:  09/08/2019
589   جار خوێندراوه‌ته‌وه
  بابه‌تی زیاتر ...
لەسەردەمی حکومەتی تاڵیبان چەندین ڤیدیۆی کووشتن و سەربڕین و بەردبارانکردن بڵاوکرایەوە. لەم ڤیدیۆیەش گەنجێکی ئەفغانی بەبەرد دەکوژن. تکایە ئاگااربە ڤیدیۆکە ترسناکە درێژه‌ ...
7 کاتژمێر پێش ئێستا‌ 1012 جار خوێندراوه‌ته‌وه 2 شارپرێس: دەستەی بەڕێوەبەری ناوەندی پارتی دیموكراتی گه‌لان (هەدەپە) رایگەیاند، بەڵگەیان لەبەردەستدایه‌ کە دوو هاوڵاتی کورد بەناو درێژه‌ ...
کێڤن بۆف سەرۆکی مۆلۆسیایە، ساڵی ١٩٧٧ لەگەڵ هاوڕێیەکیدا ئەو دەوڵەتەیان لەناو ویلایەتی نیڤادا لە ئەمریکا دامەزراند، کە نە ئەمریکا و هیچ وڵاتێکی تر بە فەرمی دانیان پیادانەناوە، سەرەتا درێژه‌ ...
باڵندەیەکی فلامینگۆ کە پێدەچێت هەزاران کیلۆمەتری بڕی بێت، بۆ یەکەمجار دێتە سەر ئاسمان و خاکی هەرێمی کوردستان و لە دەڤەری برادۆستە دەکەوێتە دەست هاوڵاتیەک. لە چەند رۆژی ڕابردوودا درێژه‌ ...
دەستپێشخەری ڕۆڵەکانی ئاگر ئاشکرای کرد لە بالیک کەسیر کەمپێکی سەر بە میتی تورکیان سوتاندووە. دەستپێشخەریەکە لە بارەی ئەنجامدانی زنجیرە چالاکیەکیانەوە ڕاگەیێنراوێکی بڵاو کردەوە و درێژه‌ ...
K24 – ھەولێر: رێکخراوی سی ئای رایگەیاند: کەشتی ئالان کوردیی سەر بە رێکخراوەکەیان توانیویەتی 114 کۆچبەر لە دەریای ناوەڕاست رزگار بکات. کۆچبەرەکان ویستوویانە لە لیبیاوە لەرێگه‌ درێژه‌ ...
شارپرێس: فەرماندەیی ناوەندی هێزەکانی ئەمریکا رایگه‌یاند، راداری جۆری سێنتینێڵ و زرێپۆشی جۆری برادلیان رەوانەی باکووری خۆرهەڵاتی سووریا کردووە. کۆلۆنێڵ بیل فەرماندەیی ناوەندی هێ درێژه‌ ...
بەپێی ئەو زانیارییانەی دەست بەشی هەواڵەکانی ڕادیۆی سوید کەوتووە یەکییەتیی ئەورووپا لە داڕشتنەوەی سیاسەتی کۆچدا چەند پێشنیازێکیان کردووە بۆ بەرگرتن لە هاتنی پەنابەران بۆ وڵاتانی یەک درێژه‌ ...
وەزارەتی ناوخۆی بەریتانیا رایگەیاند، هەزاران پەنابەر لە ئێستادا لە هۆتێلەکاندا دەمێننەوە و ئەو کەسانەشی کەیسەکانیان رەتکراوەتەوە بەم نزیکانە هەموویان دەنێردرێنەوە بۆ وڵاتەکانی خۆ درێژه‌ ...
سوپای داگیرکەری تورک و چەتەکانی بەردەوامە لەسەر تاوانی شەڕ لەدژی هاوڵاتیانی عەفرین. بەپێی سەرچاوە هەرێمیەکان چەتەکانی سەر بە دەوڵەتی داگیرکەری تورک گەنجێک و ژنێکی گەنجی عەفرینیان ڕ درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   423
کۆی سه‌ردان:   20953823