تورکیا گۆڕی شەرەفخان بەدلیسی وێران کرد
ئاکەپە لە شارەکانی کوردستان بەردەوامە لە پاکتاوکردن و سڕینەوەى سیاسی و کولتوریی گەلی کورد و دوژمنایەتییەکەی لەگەڵ کورد لە دوای هەڵبژاردنى شارەوانییەکان لە ٣١ی ئاداری ٢٠١٩ / ١١ی نەورۆز (خاکەلێوە)ش بەردەوامیی هەیە و نمونەیەکیش لەو دوژمنکارییەى ئاکەپە ئاشکرا بوو.

پارتی هەرێمە دیموکراتییەکان (دەبەپە - DBP) لە هەڵبژاردنی شارەوانی لە ساڵی ٢٠١٤دا بە رێژەیەکی بەرز لە بەدلیس سەرکەوتبوو، بەڵام حکومەتی ئاکەپە قەیومیی بەسەر شارەوانیدا سەپاند و لە دژی کولتور و زمانی کوردی دەستی بە پاکتاوکاری کرد.

ئاکەپە لە چوارچێوەى ئەو پاکتاوکارییەدا باخچەکانى ساوایان و کاروبارەکانی بواری کولتوری و رۆشنبیریى کوردیى قەدەغە کرد. ئاکەپە لە بەردەوامیى ئەو سیاسەتەیدا پێش هەڵبژاردنە خۆجێیەکانی ٣١ی ئاداری ٢٠١٩ / ١١ی نەورۆز (خاکەلێوە) و دوای ئەوەش هەزاران سیاسەتمەدار و وڵاتپارێز دەستگیر و زیندانیکرد.

تابلۆی شارەوانیى بەدلیس، کە بە کوردی و تورکی لە سەردەمى شارەوانیى دەبەپەدا لە بەردەم بینای شارەوانیی بەدلیس دانرابوو بە فەرمانی نەسروڵا تانگلای سەرۆک شارەوانیی ئاکەپە، کە دوای ٣١ی ئادار / ١١ی نەورۆز هەڵبژێردرابوو، لابرا. لە جێگەی ئەو تابلۆیە، تابلۆیەک لە بەردەم شارەوانیى بەدلیس دانرا، کە تەنها بە زمانی تورکی لەسەری نووسرابوو شارەوانیى بەدلیس.

هەروەها تانگلای ئاکەپەیى دواى ماوەیەک لە دەستبەکاربوونی ئەو تابلۆیەی لابرد، کە دەروازەى شاری بەدلیس دانرابوو و بە کوردی، تورکی و ئینگلیزی لەسەری نووسرابوو "بەخێر بێن بۆ بەدلیس". ئەو ئاکەپەییە لە جێگەی ئەو تابلۆییە، تابلۆیەکى دانا، کە تەنها بە تورکی لەسەری نووسراوە "بەخێر بێن بۆ بەدلیس".

ئاکەپە و ئاکەپەییەکان لە بەردەوامیى سیاسەتەکەیان بۆ پاکتاوکردن و سڕینەوەى سیاسیى گەلی کورد لە شاری تاتوانیش خۆیان لە بەرامبەر تابلۆ بە زمانى کوردی پێ رانەگیرا، بۆیە سەرۆک شارەوانیی تاتوانی ئاکەپە ئەو تابلۆیەی بەردەم بینای شارەوانیی تاتوانى لابرد، کە بە کوردی لەسەری نووسرابوو، شارەوانیى تاتوان.

قەدەغەکردنی زمان و کولتوری کوردی و بەهاکانی گەلی کورد لە سەردەمی دەسەڵاتی ئاکەپە – مەهەپە دا بە بەرنامەیەکی ورد و چڕوپڕ بەڕێوەدەچن. لە زۆربەى شارەکانى باکووری کوردستان خوێندنگە کوردییەکان، مۆنۆمێنتەکان بۆ یادەکانى پەیوەندیدار بە کوردەوە، پەیکەری کەسایەتییەکان، تابلۆ کوردییەکان و رێکخراوە کوردییەکان قەدەغەکران و تەنانەت نکوڵیشیان لە بوونی گەلی کورد و کوردستان کرد!.

ئێستاش نمونەیەکی دیکەی ئەو هێرشە پاکتاوکارییەی ئاکەپە لە دژی گەلی کورد لە بەدلیس دەرکەوت. ئەمجارە هێرش کرایە سەر گۆڕی سیاسەتمەدار و مێژوونووسی ناوداری کورد شەرەفخانی بەدلیسی و بنەماڵەکەی و گۆڕەکانیان وێرانکردن.

شەرەفخان بەدلیسی لە ساڵانى ١٥٤٣ بۆ ١٦٠٣ ژیاوە. سەر بە بنەماڵەى میرانى بەدلیس بووە و بۆ خۆیشی ماوەیەک میری بەدلیس بووە. نووسەر و مێژوونووسی دیاری کورد بووە و یەکێک لە گرنگترین و دیارترین نووسەر و رۆشنبیرەکانى سەردەمی خۆی بووە.

شەرەفخان بە نووسینى کتێبی شەرەفنامە ناو و ناوبانگی بۆ هەمیشە پایەدار کردووە. لە شەرەفنامەدا زانیاریى ورد لەبارەى مێژووی کورد و کوردستان، دۆخی ئابووری و سیاسی و کۆمەڵایەتیى کورد، جوگرافیاى کوردستان، خێڵ و هۆز و تیرە و پێکهاتەکانى کوردستان و ئایینەکانى کۆمەڵگەى کوردستان خراونەتەڕوو. شەرەفنامە وەک سەرچاوەیەکى گرنگ لە چەندین تێز و نامەى ماستەر و کتۆرادا سوودی لێوەرگیراوە. شەرەفنامەى سەرچاوەیەکى گرنگی زۆربەى ئەو کتێبانەیە، کە لەبارەى کورد و کوردستانەوە نووسراون.
فورات نیوز
به‌روار:  17/06/2019
299   جار خوێندراوه‌ته‌وه
  بابه‌تی زیاتر ...
ئەنجومەنی پیرانی ئەمریکا پڕۆژە یاسای کۆمەڵکوژی ئەرمەنەکانی پەسەندکرد کە لەلایەن دەوڵەتی عوسمانییەوە ئەنجامدرابوو. سیناتۆر رۆب مێندێز، لە تویتەر رایگەیاند، ئەنجومەنی پیرانی ئەمری درێژه‌ ...
لە دووەمین ڕۆژی کۆنفرانسی ڕۆژئاوا کە لە پەرلەمانی ئەوروپا بەڕێوەچوو، بەدران چیا کورد ڕاوێژکاری خۆبەڕێوەبەری دیموکراتی باکورو ڕۆژهەڵاتی سوریا ڕایگەیاند: ئەردۆغان بە پارەی ئەوروپا کو درێژه‌ ...
شارپرێس: ئەنجوومەنی باڵای دادوەری عێراق رایدەگەیەنێت، لایەنی پەیوەندیدارمان ڕاسپاردووە فەرمانی گرتن بۆ هەموو ئەو کەسانە دەربکات لە کوشتنی مێردمنداڵەکەی گۆڕەپانی وەسبە بەشداربوو درێژه‌ ...
فەرماندەی ئەرکانی هێزە دەریاییەکانی سەر بە حەفتەر رایگەیاند، فەرمانیان پێیە بۆ تەقاندنەوەی هەر کەشتییەکی تورکیی سنورە ئاوییەکانی وڵاتەکەیان ببەزێنێت. لیوا فەرەج مەهدودی کە سەر ب درێژه‌ ...
رووداو - بەریتانیا سبەی لە بەریتانیا هەڵبژاردنی پێشوەختە دەکرێت و دەنگدان چارەنووسی برێکزیت یەکلایی دەکاتەوە. ململانێکە لەنێوان پارتی پارێزگاران و کرێکاراندایە. هەرکامیان بیبەنە درێژه‌ ...
(سبەی): پاشنیوەڕۆی ئەمڕۆ چوارشەممە (11/12/2019) پاش ئەوەی كچێك لە نەخۆشخانەی سیدەكان ددانی هەڵكێشا، دواتر گیانی لەدەستدا. مفەدەم شەماڵ دێواری حامید وتەبێژی پۆلیسی سۆران درێژه‌ ...
لێژنەی کاروباری دەرەوەی ئەنجومەنی پیرانی ئەمریکا، لەبارەی کڕینی سیستمی بەرگری ئاسمانی S400 لە لایەن تورکیاوە لە رووسیا، پرۆژەیاسای سزادانی تورکیا کە لەلایەن ئەندامانی کۆماریخواز و درێژه‌ ...
گەریلا تیڤی دیمەنی تێکشکاندنی بنکەیەکی سەربازی دەوڵەتی تورکی لە گردی پارتیزانی بڵاو کردەوە کە لەلایەن گەریلاکانی ‌‌هێزەکانی پاراستنی گەل-هەپەگە گورزی قورسیان لەو بنکەیە دابوو . درێژه‌ ...
شارپرێس: فەماندەی هێزەكانی سوریای دیموكرات رایدەگەیەنێت، ئەمەریکا و روسیا بەرپرسیارن لە گۆڕینی دیمۆگرافیای ناوچەکە. مەزڵوم کۆبانێ لەتویتێكدا لەهەژماری خۆی لە تۆڕی کۆمەڵایەتی درێژه‌ ...
(سبەی): لەكاتێكدا كورد لە رۆژئاوا بەردەوام لە روبەڕوبونەوەی ئەو هەڵمەتی جینۆسایدەیە كە بە ئاشكرا لەلایەن سوپای توركیا و چەكدارە جیهادییە بەكرێگیراوەكانیەوە جێبەجێ دەكرێت، رەجەب درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   120
کۆی سه‌ردان:   18551627