|
کوردێکی بەریتانیا هاوسەرەکەی خۆی لە زاخۆ خنکاند
گوتەبێژی پۆلیسی دهۆک رایگەیاند، لە سەنتەری قەزای زاخۆ کەسێک هاوژینەکەی خۆی خنکاند.
هێمن سلێمان، گوتەبێژی پۆلیسی دهۆک بە تۆڕی میدیایی رووداوی راگەیاند: "ئەمڕۆ یەکشەممە کەسێک لە ماڵەکەی خۆیدا هاوژینەکەی خۆی خنکاند، بەڵام تاوەکو ئێستا هۆکاری دروستی رووداوەکە نەزانراوە".
پیاوەکە تەمەنی 42 ساڵە و هاوژینەکەیشی 34 ساڵە، بەگوتەی هێمن سلێمان: "پیاوەکە لە بەریتانیا گەڕابوویەوە کوردستان، دوای رووداوەکە ویستوویەتی خۆی لە هێزەکانی ناوخۆ بشارێتەوە، بەڵام دواتر تۆمەتبارەکە بە ماددەی 406 لە یاسای سزادانی عێراقی دەستگیرکراوە".
هێمن سلێمان دەڵێت: "خێزانەکە خاوەنی سێ منداڵن و لێکۆڵینەوەش لە چۆنییەتی رووداوەکە دەستیپێکردووە".
به‌روار: 09/06/2019
708 جار خوێندراوه‌ته‌وه
|