|
ئەڵمانیا ڕەگەزنامە لەو پەنابەرانە دەسەنێتەوە کە ناسنامەی ساختەیان داوە پاش 10 ساڵ
حکومەتی ئەڵمانیا کار لەسەر هەموارکردنەوەی یاسای پێدانی رەگەزنامە دەکات داواشدەکرێت ئەوانەی لە ژنێک زیاتریان هەیە داواکانیان بۆ پێدانی رەگەزنامە رەتبکرێتەوە.
" هۆرست زیهۆفەر" ی وەزیری ناوخۆی ئەڵمانیا داوایکردوە ئەو پێشنیارانە ڕەت بکرێنەوە کەداوادەکەن ئەوانەی لەژنێک زیاتریان هەیە ڕەگەزنامەی ئەڵمانیان پێ بدرێت ،ئەوەش لەکاتێکدایە کە بڕیار وایە لە پایزی داهاتوو ئەو یاسایە هەموابکرێتەوەو پێشنیاریش کراوە کە ئەوانەی ئەڵمانە بەڕەگەز بیانیانەی چوبونە ناوداعش ڕەگەزنامەی ئەڵمانیای لێ بسەندرێتەوە.
هاوکات لەگەڵ دەستکاریکردنی ئەوبرگەیەش کەتایبەتە بە ماوەی چاوەدێری کە پێشتر ٥ ساڵ بوە واتە لەکاتی وەرگرتنی ڕەگەزنامەکە تا پێنج ساڵ دەخرێتە ژێر چاوەدێری ولەماوەیە ئەگەر لێی ئاشکرابێت کە زانیاری هەڵەی داوەتە دەزگا ڕەسمیەکان یان کەتنێکی گەورەی کردبێیت ئەوا لێی دەسەندرێتەوەو بەپێی پڕۆژەی نوێش ئەو ماوەیە دەکریتە دە ساڵ واتە تا دەساڵ بۆیان هەیە لێی بسەننەوە.
ڕۆژنامەی بێڵد ڕاپۆرتێکی لەسەر ئەمە کردوەو دیداری لەگەڵ پیاوێکی سوری کردوە بەناوی " عەبود" کە چوار ژن وسیانزە منداڵی هەن لە چوار خانودا دەژین خۆی بەڕەسمی لای ژنە گەورەکەیەتی وبەسەرەش هەر ڕۆژەی دەچێتە لای یەکێکیان ،حکومەت واتە دایەرەی چاودێری کۆمەڵایەتی جگەلەکرێی هەر چوار خانوو مانگانە 3 هەزارو 785 یۆرۆیان دەداتێ، عەبود داواش دەکات ڕەگەزنامەی ئەڵمانی پێ بدرێت.
PUKmedia بورهان ئەمین_ئەڵمانیا
به‌روار: 09/05/2019
679 جار خوێندراوه‌ته‌وه
|