لە نەرویج ژنێکی کورد کوژرا
رووداو - هەولێر
ژنێکی خەڵکی شاری نەغەدەی رۆژهەڵاتی کوردستان لە نەرویج ''لەلایەن هاوژینی پێشوویەوە کوژرا''.
بەپێی زانیارییەکانی تۆڕی میدیایی رووداو ''رۆژی دووشەممە (1-4-2019)، ژنێک بەناوی سوهەیلا گوگانی لە شاری سترۆمێنی نەرویج کوژرا، کە دایکی کچێکی هەشت ساڵانە و بە چەقۆ هێرشیکراوەتەسەر'''.
وەک لە تۆڕە کۆمەڵایەتییەکانەوە باسی لێوە دەکرێت ''هاوژینی پێشووی بەناوی (س.ع) بە کوشتنی سوهەیلا تۆمەتبار دەکرێت".
رووداو زانیویەتی، سوهەیلا گوگانی و هاوژینی پێشووی خەڵکی شاری نەغەدەن لە پارێزگای ورمێی رۆژهەڵاتی کوردستان و چەند ساڵێکە نیشتەجێی وڵاتی نەرویجن.
تەرمی سوهەیلا گوگانی لە پزیشکی دادی شاری سترۆمینە و پۆلیسیش ''بکوژەکەی دەستگیرکردووە''.
بهروار: 02/04/2019
517 جار خوێندراوهتهوه
|