|
خوێندکارێکی زانکۆ لە ھەڵەبجە خۆی خنكاند
K24 - ھەڵەبجە
گەنجێكی دانیشتووی شاری ھەڵەبجە كە خوێندكاری زانكۆ بوو خۆی خنكاند، پۆلیسش رایدەگەیەنێت. لێكۆڵینەوە لە رووداوەكە دەست پێدەكەن.
رائید بەرزان عوسمان، وتەبێژی بەڕێوەبەرایەتی پۆلیسی پارێزگای ھەڵەبجە لە راگەیەندراوێكدا ئاشكرای كرد: "شەوی رابردوو گەنجێک بەناوی رێژوان نەورۆز لەدایکبووی ساڵی 1996 لەماڵەکەی خۆیدا بەپەت خۆی خنكاندوە".
لە راگەیەندراوەكەدا روونكراوەتەوە: "لە گەڕەکی باخی میری پارێزگای هەڵەبجە گەنجێکی تەمەن 23 ساڵ بەناوی ( ر.ن.م ) کە خوێندکاری زانکۆیە لەماڵی خۆیان خۆی خنكاندوە و تەرمەکەی رەوانەی پزیشکی دادوەری هەڵەبجە كراوە".
وتەبێژی پۆلیسی ھەڵەبجە راشیگەیاندووە: "تیمی بەڵگە و تاوان و بنکەی پولیسی هەڵەبجە لێکۆڵینەوە لە رووداوەکە دەکەن".
به‌روار: 19/03/2019
502 جار خوێندراوه‌ته‌وه
|