|
تەرمی شەڕڤانێکی ئیتاڵی بۆ ووڵاتەکەی دەگەڕێتەوە
شەڕڤانێکی نێونەتەوەیی، کە لە شارۆچکەی دێرک لە ڕۆژئاوا شەهید بوو، تەرمەکەی ڕەوانەی باشوری کوردستان کرا و لەوێشەوە بۆ زێدی خۆی ڕەوانە دەکرێتەوە.
ئەمڕۆ تەرمی ئەو شەڕڤانە نێونەتەوەییە لە دەروازەی سێمالکاوە ڕەوانەی باشوری کورستان کرا، کە لە شارۆچکەی دێرک بە ڕووداوی هاتووچۆ شەهید بوو.
جیۆڤانی ئیسپێرت، ناسراو بە هیوا باسکۆ، خەڵی وڵاتی ئیتاڵیایە و لەپێناو بەرگریکردن لە مرۆڤایەتی بەشداری شۆڕشی ڕۆژئاوا بووبوو.
بە مەراسیمێکی سەربازی تەرمی جیۆڤانی ڕەوانەی باشوری کوردستان کرا، لە مەراسیمی بەڕێکردنیدا، عەگید تێکۆشەر، فەرمانداری هێزی نێونەتەوەیی، قسەی کرد و وتی: شەهید هیوا لە شوێنێکی دوورەوە هات و بەشداری شۆڕشی ڕۆژئاوا بوو، کە بەهاکانی مرۆڤایەتی لە دەست تیرۆر دەپارێزێت.
وتیشی: ئێمە وەکو شەڕڤانانی نێونەتەوەیی، بەڵێن دەدەینە شەهیدانی خۆمان و گەلانی باکور و ڕۆژهەڵاتی سوریا، کە ئەوان بپارێزین و لەسەر ڕێگەی شەهیدان بەردەوام بین.
ڕۆژنیوز
به‌روار: 10/03/2019
506 جار خوێندراوه‌ته‌وه
|