موفتییەکى سعودی: هاوسەرگیریی مسیار دروستە

ئەندامێکى دەستەى گەورە زانایانى سعودیە ڕایگەیاند، هەموو پایەکانى هاوسەرگیریی حەڵاڵ لە مسیاردا هەیە و ئەوانەى ئەم جۆرە هاوسەرگیرییە دەکەن "ترسنۆک نین"، تەنها ئەوە هەیە ژنان دەست لە هەندێک مافەکانى خۆیان هەڵدەگرن بۆ پیاوان.

لەلێدوانێکدا بۆ رۆژنامەى عوکاز شێخ عەبدوڵڵا مەنیع ئەندامى "دەستەى گەورە زانایانى سعودیە" کە باڵاترین دەزگای ئاینیی وڵاتەکەیە، دوێنێ هەینی (ی٨ شوباتى ٢٠١٩) رایگەیاند، هاوسەرگیریی مسیار دروستە ئەگەر بەندوباو و مەرجەکانى تێدا بێت و هیچ رێگرییەکى شەرعیى تێدا نەبێت. ئەوانەشى پەنا بۆ ئەم جۆرە هاوسەرگیرییە ئەبەن لە ترسنۆکیی نییە چونکە "هەموو حوکمە شەرعییەکانى هاوسەرگیریی لە مسیاردا هەیە".

شێخ مەنیع ڕونیشکردووەتەوە "مسیار" هەنگاوێکى کەسییە و ژنان بۆیان هەیە دەستبەردارى هەندێک مافى خۆیان ببن چ لە دابینکردنى خەرجى بێت یان ماوەى مانەوەى پیاو لەلایەن یان هەر مافێکیتر و "ئەم جۆرە هاوسەرگیرییە دروستە و ئەگەر مێردەکەش کۆچى دوایی بکات، ژنەکە مافى هەیە میرات ببات یان مارەیی خۆى وەرگرێتەوە، مناڵەکانى ئەم جۆرە هاوسەرگیرییەش شەرعین".

ئەندامەکەى گەورە زانایانى سعودیە ئەوەشى خستووەتەڕوو کە مسیار بەواتاى ئەوە دێت هاوژینەکان لەسەر جۆرى پەیوەندى و کاتى کۆبوونەوە و ژیانى تایبەتى خۆیان رێکدەکەون بەپێى کۆمەلێک مەرج و بەندوباوى نێوانیان، هێندە هەیە ژنەکە لەهەندێک مافى خۆى خۆش دەبێت لەسەر پیاوەکە، دواتریش بۆى هەیە داواى هەمووى بکاتەوە هەرکات بیەوێت.

جێگەى ئاماژەیە لەم ساڵانەى دواییدا لەعەرەبستانى سعودیە و وڵاتانى کەنداو ژمارەیەک لەو ژنانەى خاوەن پێگە یان دارایی خۆیاننن یان نایانەوێ بچنە ژێر بارى ئەرکەکانى خێزانداریی و ماڵداریی، پەنایان بۆ هاوسەرگیریی "مسیار" بردووە لەگەڵ پیاوان، لەبەرامبەر ئەمەشدا هەندێک لە پیاوانى کەنداو کە سەفەرو گەشتى وڵاتانى میسر و لوبنان دەکەن، ئەم جۆرە هاوسەرگیرییەیان پێ باشتر بووە لەبەر کەمى تێچوون و ئەرکە دارایی و کۆمەڵایەتییەکانى و ئەمەش بەبەردەوامى جێگەى مشتومڕى شەرعزانان و ناوەندە کۆمەڵایەتییەکانە.

لەم جۆرە هاوسەرگیرییەدا مارەبڕین و شایەت و وەلى هەن، کات دیاریی ناکرێت لە گرێبەستەکە، هەردوولا لەبنەڕەتدا مافى میراتگرتنیان لەیەکتر هەیە مەگەر دەستبەردارى ببن بۆ یەکتر، بەڵام یەکتربینین و جۆرى پەیوەندیی نێوان ژن و مێردو شوێن و وادەى دیداریان بەپێى رێککەوتنى تایبەتى خۆیانە و مەرج نییە ببێتە هۆى دروستکردنى ماڵ. ئەم هاوسەرگیرییەش کاتیی نییە و لە کاتى گرێبەستەکەدا هەروەک هاوسەرگیریی ئاسایی بێ کۆتاییە و بەپێى زۆرێک لە فەتواکانى رێچکە شەرعزانییەکانى سوننە هەر هاوسەرێکى مسیار حوکمى هاوسەرێکى ئاسایی هەیە و ناکرێت لە چوار ژن زیاتر کۆبکرێتەوە.

بابەتی هاوسەرگیری مسیار لە نێو شەرعزانەکانی ئیسلامدا مشتومڕێکی زۆری لەسەرە.

 شێخ عەبدولعەزیز بن باز موفتی ناودار و کۆچکردووی عەرەبستانی سعودیە، بەمەرجی ڕاگەیاندن و ئاشکراکردنی هاوسەرگیرییەکە ڕێگەی بە مسیار داوە، لە شەرعزانە هاوچەرخەکانیشدا یوسف قەرزاوی بە دروستی داناوە.
ئێن ئاڕتی 
به‌روار:  09/02/2019
373   جار خوێندراوه‌ته‌وه
  بابه‌تی زیاتر ...
تەنها لە سنووری پارێزگای سلێمانی، لە ماوەی ٤٨ کاتژمێری ڕابردوودا سێ ژنی گەنج گیانیان لەدەستداوە، کە بە وتەی کەسوکارەکانیان "خۆیان خۆیان کوشتووە!"، لەگەڵ ئەوەشدا کەس باس لە هۆکاری درێژه‌ ...
( ئالبوم ) کەزاخاوی چاوم بەوێنەکانت ئاوئەدەم.. هاوڕێکانتا سەما دەکەیت لەتەك لەهەمویان، شۆخ وشەنگتر.. ئەتۆی هاوڕێت هەیە،موزیکیستە توانیوێتی، وێنەی ئەتۆ خەندەی، تێکەڵ ب درێژه‌ ...
داخستنی کەمپەکانی پەنابەران و گواستنەوەی خێزانەکان بۆ شارەکانی دیکە، کاریگەری خراپی لەسەر پرۆسەی فێربوونی مناڵان داناوە. ئەمەش هەروەک مامۆستایان تێبینیان کردووە. بڕیارە دەزگ درێژه‌ ...
چەکدارانی داعش دەبێ لەو شوێنەی بەدیل گیراون بدرێنە دادگا، بەپێی بۆچوونی وەزیری ناوخۆی سوید. میکایل دامباری وەزیری ناوخۆ دەڵێ هیچ هەوڵێک نادەن بۆ ئەوەی چەکدارانی داعش کە هاوڵاتی درێژه‌ ...
بەدرێژایی چەندین سەدە و دوای کۆنترۆڵکردنەوەی شاری مەککە (فەتحی مەککە) وە هیچ دەسەڵاتدار و لێپرسراوێک لە سعودیەدا نەچووەتە سەربانی کەعبە، بەڵام چوونە سەربانی کەعبە لە لایەن محەمەد درێژه‌ ...
خەندان- ڕۆژنامەی دەیلی مەیڵی بریتانی بڵاویكردوەتەوە، پەنابەرێكی کوردی ئێران دانی بەوەداناوە سێ ڕۆژ دوای ئەوەی هاوسەرەكەی پشتگیرینەكردوە لە داواكاری مانەوەی لە بریتانیا "هاوسەرەك درێژه‌ ...
وەزیری كۆچ و كۆچبەرانی عێراق دژایەتی خۆی بۆ بە زۆر ناردنەوەی كۆچبەرانی عێراقی رادەگەیەنێت و دەڵێت، پێویستە گەڕانەوەیان ئارەزومەندانە بێت. نەوفل بەها موسەوی، وەزیری كۆچ و كۆچبەرانی درێژه‌ ...
زیاتر لە پێنج ساڵە رێگە نەدراوە خێزانەكەی چاویان بە ئۆجەلان بكەوێت 20 ساڵ بەسەر دەستگیركردنی عەبدوڵا ئۆجەلان سەرۆكی پارتی كرێكارانی كوردستان پەكەكەدا، تێپەر دەبێت و زیاتر لە پێ درێژه‌ ...
لە توێژینەوەیەکی نوێی زانکۆی یۆتێبۆریدا ئاشکرا بووە کە کەسانی بێ بەڵگەو ناسنامە لە سویددا ڕەوشی دەروونییان و باری تەندرووستیان خراپە. لە توێژینەوەکەی زانکۆی یۆتێبۆریدا ١٠٤ کەسی درێژه‌ ...
پاش ئه‌وه‌ی له‌ ڕۆژانی ڕابردوو له‌ شاری باسل، مانهایم و لوكسه‌مبۆرگ ڕێپێوانی درێژمه‌ودا به‌ره‌و شاری ستراسبۆرگی فه‌ڕه‌نسا ده‌ستی پێكرد، ئه‌مڕۆ به‌شداربوانی هه‌موو قۆڵه‌كانی ڕێپێوان درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   159
کۆی سه‌ردان:   17638334