خۆکووشتنی پەنابەرێکی کورد لە بەریتانیا
خەندان-
دهزگای لوتكه بۆ كاروباری ئاواره و پهنابهران له عێراق رایگەیاند، پەنابەرێکی کورد کە خەڵکی سلێمانییە لە بریتانیا "کۆتایی بەژیانی خۆی هێناوە".
دهزگای لوتكه بۆ كاروباری ئاواره و پهنابهران له عێراق لە راگەیەندراوێکدا رایگەیاند، "گەنجێک کە خەڵکى شارى سلێمانییە، وەک پەنابەر رویکردوەتە وڵاتى بەریتانیا، بەڵام لەو وڵاتە بڕیاری دیپۆرتکردنەوەى بۆ وڵاتى ئیتاڵیا دەرچوە".
هاوڵاتییەکە ناوی ئارام عەلى-یەو خەڵکی شاری سلێمانییە، شەوى رابردو لە شارى بێرمینگهامى بریتانیا "کۆتایى بەژیانى خۆى هێناوە".
دهزگای لوتكه بۆ كاروباری ئاواره و پهنابهران له عێراق ئاماژەی بەوەشکرد، هۆکاری روداوەکە ئەوەبوە کە مامهڵهی نهشیاوی لهگهڵدا کراوە.
رونیشیکردوەتەوە، ئامادەى هەمو هاوکارى و هەماهەنگییەکن بۆ گەڕاندنەوەى تەرمى کۆچکردو بۆ هەرێمی کوردستان.
بهروار: 06/02/2019
512 جار خوێندراوهتهوه
|