شەڕڤانان سێ چەتەى تورک و ئەڵمانی و کەنەدی-یان دەستگیرکرد
ناوەندی راگەیاندنی یەپەگە راگەیانداورێکى لەبارەى ئۆپراسیۆنێکى تایبەتى یەکەى دژە تیرۆر (یات - Y.A.T)ی سەر بە یەپەگە لە دژی شانە نووستووەکانى چەتەکان بڵاوکردەوە. لەو چالاکییەدا ٣ چەتەى تورک، ئەڵمانی و کەنەدی دەستگیرکران.

لە راگەیاندراوەکەى یەپەگەدا هاتووە:

"بەرخۆدانى ئێمە لە دژی چەتە بەربەرەکانى داعش کە لە ئەوروپا تاوەکو ئاسیا و لە رۆژهەڵاتی ناوەڕاستدا تۆقاندن ئەنجام دەدەن، بەردەوامیى هەیە. لە دوای ئۆپراسیۆنە سەرکەوتووەکان لە کۆبانێ و جزیر، ئێستاش دوایین قۆناغی هەڵمەتى گەردەلولی جزیر لە دێرەزۆر سەلمێنەری مێژووییە بۆ شەڕ لە دژی چەتەکان و سەرکەوتنەکانمان. شەڕی بەرخۆدانی ئێمە کە ئەمڕۆ لە رۆژئاوا و باکووری سوریا بەردەوامیى هەیە و بەو سەرکەوتنانەى کە لە هەر یەک لە قۆناغەکاندا بە دەستىهێناوە، بووەتە هیوا و ئومێدی مرۆڤایەتی. ئەو تێکۆشانە جوگرافیاى رۆژهەڵاتى ناوەڕاست و کوردستان دەخاتە ژێر ئارامی و مسۆگەری و تێکۆشانەکەش لە هەموو کات زیاتر بە سەرکەوتنى گرنگ بەردەوامیى پێدەدرێت.

ئەو پێکهاتەیە خۆی بە هەموو شێوازەکانی عەقڵییەتى دواکەوتوانە تەیار کردووە. لە وڵاتانى ئەوروپا ژمارەیەک زۆر کەس بەشدارییان تیادا کردووە و بەو عەقڵییەتەوە خۆیان لە زۆرێک لە وڵاتەکاندا بەرێکخستن کردووە. بە تایبەتى شانە نووستووەکانى ئەو پێکهاتەیە لە رۆژئاوا و باکووری سوریادا بۆ ئەنجامدانى کۆمەڵکوژی دەستیان بە کار و رێکخستنى تایبەت و  جموجوڵ کردووە.  

ئێمە وەک هێزەکانى یەپەگە و یەپەژە لە بەرامبەر ئەو شانە نووستوانەدا ئۆپراسیۆنى سەرکەوتوانەمان ئەنجامداوە و ئەو ئۆپراسیۆنانەش لەم دواییانەدا بۆ راى گشتى بڵاوکراونەتەوە. لەو چوارچێوەیەدا یەکەى دژە تیرۆر (یات - Y.A.T) لە ئۆپراسیۆنێکى تایبەدا ٣ چەتەى تورک، ئەڵمانی و کەنەدییان دەستگیرکرد.

زانیاریى بەرفراوان لەبارەى ٣ چەتە دەستگیرکراوەکە

* چەتەیەک بە ناوی درک ریچارد پلیل ساڵی ٢٠١٥ لە سنووری تورکیاوە پەڕیوەتەوە بۆ ناو چەتەکانى داعش. لە تاقیگەکانى پراستییس (دروستکردنى ئەندامى دەستکرد)ی داعشدا دەستی بەکار کردووە و لە کاتە جیاوازەکاندا بەشداریى چالاکییە دژ بە مرۆڤایەتییەکانى داعشی کردووە.

* چەتەیەک بە ناوی محەمەد عەلی خەڵکی کەنەدا قەناس بە دەستى تایبەتى داعش بووە. ئەو کەسە لە رەقە، دێرەزۆر و حەسەکە بەشداریى شەڕەکانى کردووە. راهێنانى بە هەزاران چەتە کردووە و لە کاتە جیاوازەکاندا بەشداریى کردە دژ بە مرۆڤایەتییەکانى کردووە.  

ئەو چەتە لە سنووری تورکیاوە بەبێ هیچ رێگری و گرفتێک پەڕیوەتەوە بۆ ناو چەتەکان. بەپێى دانپیادانى ئەو چەتەیە و چەتەکانی تریش، ئەویش وەک هەزاران چەتەى تر لە سنوری تورکیاوە بەبێ هیچ رێگری و گرفتێک پەڕیوەتەوە بۆ سوریا. جگە لە دانپیادانانى چەتەکان بۆ پەڕینەوەیان لە سنووری تورکیا بەبێ گرفت، لێکۆڵینەوەکانى ئێمەش ئەوە دەسەلمێنێت کە هەزاران چەتە بەبێ گرفت لە سنووری تورکیاوە بەبێ گرفت پەڕیونەتەوە بۆ ناو چەتەکانى داعش لە سوریا.

ئەو چەتەیە لە ناو چەتەکاندا بە ئەبو توراب ئەل کەندی ناسراوە و لە تۆڕە کۆمەڵایەتییەکاندا بۆ راکێشانى خەڵکى تر بۆ ناو چەتەکانى داعش زۆر چالاک بووە. لە دواى هێرشەکانى کۆبیک و ئۆتاوا لە کەنەدا کە بوو بووە هۆی کوژران و برینداربوونى ژمارەیەک سەرباز، لە تۆڕە کۆمەڵایەتییەکاندا داواى زیاترکردنى هێرشەکانى کردبوو و رایگەیاندبوو، چ کەسانى مەدەنی بن، یان کەسانی ئەمنی و چ کەسانى "بێ باوەڕ" بن دەبێت بکوژرێن. محەمەد عەلی لەسەر تۆڕە کۆمەڵایەتییەکان ئەوەشى بڵاوکردووەتەوە، ئەو کەسانەى دەیانەوێت بچن بۆ ناو چەتەکان دەتوانن بە گەشت بڕۆن بۆ تورکیا لەوێ پەیوەندی دروست بکەن. ئەو چەتەیە گروپێک تیرۆریستى لە رێگاى تورکیاوە گواستووەتەوە بۆ سوریا و بردوونى بۆ ناو چەتەکانى داعش.

*  چەتەیەک بە ناوی ئەرگیون ئۆرهان لە تورکیاوە بەشداری ناو چەتەکانى داعش بووە. ئەو چەتەیە لە ئەڵمانیا لە دایکبووە. لە رێگەى تۆڕە کۆمەڵایەتییەکانەوە خۆی بە چەتەکانى داعش گەیاندووە. ئەویش ساڵی ٢٠١٥ لە سنووری تورکیاوە بەبێ گرفت پڕیوەتەوە بۆ سوریا و چووەتە ناو چەتەکانى داعش. ئەو کەسە لە جەرابلوس و رەقە کار و کردەى دژ بە مرۆڤایەتیى بۆ چەتەکان ئەنجامداوە.

پشتیوانى و هاوکاریى تورکیا

ئەو چەتانە کە لە ئەنجامی ئۆپراسیۆنى تایبەتدا دەستگیرکراون بە یارمەتیى تورکیا لە وڵاتە ئەوروپییەکانەوە هاتوون بۆ ناو داعش و خۆشیان دانیان بەوەدا ناوە.

ئێمەش دەزانین ئەو چەتانانەى کە تاوانى دژ بە مرۆڤایەتییان ئەنجامداوە خۆیان وەک شانەى بچووک رێکدەخەن و لە دەرفەتێکدا  ئامادەکاری بۆ ئەنجامدانى کۆمەڵکوژی دەکەن.

ئەو شانەیەى ئەو چەتانەش پلانى ئەوەى دانابوو، کە چەندین کۆمەڵکوژی ئەنجام بدات و بۆ ئەوەش دەستبەکار بوو بوون، بەڵام لە ئۆپراسیۆنى تایبەتی هێزەکانى ئێمەدا بێکاریگەر کران.

پێشتریش ئەوەمان بۆ راى گشتیى خستبووە روو و رامانگەیاندبوو، ژمارەیەکى زۆر چەتەى ئەوروپی و خەڵکى رۆژهەڵاتى ناوەڕاستمان دەستگیرکردووە و زۆربەیانمان بێکاریگەر کردووە. تێکۆشانی ئێمە بە بڕیارمەندییەکى گەورە بەڕێوەدەچێت و بەردەوامیش دەبێت و گەلەکەمان و راى گشتیش لە ئەنجامەکان ئاگادار دەکەینەوە و ئەنجامەکان بڵاودەکەینەوە".

ر.م

فورات نیوز
به‌روار:  11/10/2018
191   جار خوێندراوه‌ته‌وه
  بابه‌تی زیاتر ...
K24 – له‌نده‌ن: بۆ یه‌كه‌م جار، كوردێكی نیشته‌جێی به‌ریتانیا، ده‌بێته‌ سه‌رۆكی شاره‌وانیي "لامبێس"ی باشووری له‌نده‌ن. له‌ رێوڕه‌سیمی ده‌ستبه‌كاربوونیدا ده‌یان كه‌سایه‌تیی به‌ریت درێژه‌ ...
ئەوانەی بە مناڵی تووشی شێرپەنجە دەبن، دوای چاکبوونەوە بەدەست کاریگەرییەکانی چارەسەرکردنەکەوە دەناڵێن، خزمەتگوزاری تەندروستی پێویستیش لەم بوارەدا نییە. ئەوەش بەپێی راپۆرتی خەزێن درێژه‌ ...
رۆژی (22)ی نیسان، حکومەت، حیزب، دامودەزگاکان، کەناڵەکانی راگەیاندن... ئاهەنگی یادی دەرچونی یەکەمین رۆژنامەی کوردییان گێڕا. لەسەر شاشەی تەلەفزیۆنەکان، بەرپرسەکان پێشبڕکێیان بو بۆ "ب درێژه‌ ...
خەندان- زانایان ئامێرێکیان بەرهەمهێناوە کە دەخرێتە مێشکی مرۆڤەوە و خەیاڵەکانی دەگۆڕێت بۆ قسەکردن بەپێی راپۆرتێکی بی بی سی نیوز، زانایانی زانکۆی کالیفۆرنیا لەئەمریکا ئامێرێکیان بە درێژه‌ ...
لە چەندان دارستان لە ناوچە جیاجیاکانی سوید ئاگرکەوتووەتەوە، تیمەکانی فریاگوزاری هێشتا نەیانتوانیوە هەموو ئاگرەکان کۆنترۆڵ بکەن. بەهۆی گەرما و وشکبوونی پووش و دارستانەکان و نەبا درێژه‌ ...
خەندان-کۆچەر عەزیز کتێب لە تەمەنی پێنج هەزار ساڵەی خۆیدا رێگەیەکی دور و درێژی لە تابلۆی قوڕینەوە دەستیپێکرد تا گەیشتە چاپی ئەلکترۆنی، كتێب فرۆشێك دەڵێت، زۆری كتێب سەری لە خوێنەر درێژه‌ ...
شەوقی ئیسماعیل ماوەی زیاتر لە ١٠ ساڵە، دەستیکردووە بە کڕینی کتێب و بێبەرامبەر دەیبەخشێت بەو کەسانەی ئارەزووی خوێندنەوە دەکەن، لەو ماوەیەشدا زیاتر لە پێنج هەزار کتێبی بەخشیوە، کە زۆ درێژه‌ ...
دێرشپیگل کە یەکێک لەسەرەکیترین گۆڤارەکانی ئەڵمانیایە، لەسەر عەفرین کە لەلایەن دەوڵەتی تورک و چەتەکانیەوە داگیرکراوە، شیکارییەکی بڵاوکردووەتەوە و ڕایگەیاندووە: لە عەفرین پاکتاوی ڕەگ درێژه‌ ...
ساڵی پێشوو ژمارەی ئەوانەی بەهۆی ئیقامەی کار هاتوونەتە سوید زیاتربووە لەچاو هەموو ئەو ساڵانەی تر کە یاسای هێنانی دەستی کار ئاسانکاری بەسەرداهێنراوە. هەروەها ڕای خەڵکیش لەمبارەوە زۆ درێژه‌ ...
له‌ ساڵیادی نووسه‌رو رۆشنبیری تیكوشه‌ر دانا جه‌لال ئه‌حمه‌د ره‌جه‌ب دانا جه‌لال ئه‌حمه‌د موفتی له‌ ساڵی 1957 و له‌ ناو خێزانێكی شیوعی ناسراو له‌ خانه‌قین چاوی بۆ ژیان هه‌ڵهێناو پ درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   129
کۆی سه‌ردان:   17819669