|
ناوی ئەو په‌نابه‌رانەی كه له توركیا ده‌ستگیكرابوون و ئازادكران
خه‌ندان- سالار محه‌مه‌د
سەرپەرشتیاری گشتی فیدراسیۆنی پەنابەرانی هەرێمی كوردستان رایده‌گه‌یه‌نێت، ژماره‌یه‌ك له‌و په‌نابه‌ره عێراقیانه‌ى كه له‌وڵاتى توركیا ده‌ستگیكرابوون، ئه‌مڕۆ ده‌گه‌رێنرێنه‌وه خاكى عێراق.
ئاری جەلال، به خه‌ندان-ى راگه‌یاند، هه‌وڵه‌كانیان بۆ ئازادكردنى په‌نابه‌رانى كورد به‌رده‌وامه‌و، بڕیارە ئەمڕۆ ژمارەیەك لەو په‌نابه‌رانه‌ى كە لە زیندانەكانی توركیا ئازادكراون، بگەڕێنەوە عێراق و هەرێمی كوردستان".
ئاماژه‌ى به‌وه‌شكرد،"لە درێژەی ئەو هەوڵانەی كە بۆ ئازادكردنی كۆچبەرە دەستگیركراوەكان لەلایەن توركیاوە دەیدەین، توركیا بڕیاری ئازادكردنی 25 په‌نابه‌رى دیكەی داوە".
ئه‌وه‌شى خسته‌روو،" ئەمڕۆ پێنجشەممە رێكه‌وتى ٩-٨-٢٠١٨ تەواوی ئەو په‌نابه‌ره ئازادكراوانە دەگەنەوە فڕۆكەخانەی نێودەوڵەتی هەولێر و بەغدا.
سەرپەرشتیاری گشتیی فیدراسیۆنی پەنابەرانی هەرێم وتیشى،" فیدراسیۆنی پەنابەران کاروباری یاسایی بۆ سەرجەم پەنابەرانی دەستگیرکراو لەگرتوخانەکانی تورکیا ئەنجامداوە و بڕیارە سه‌رجه‌میان ئازاد بکرین"
به‌روار: 09/08/2018
616 جار خوێندراوه‌ته‌وه
|