ئهرشیف
پهیوهندی
ڤیدیۆ
ئاگاداری
ههمهڕهنگ
وتار
پرسەی هەندەران
سهرهکی
ئەوە کاک جەلالە دەیناسم
فاتم ئەو ژنە چەمچەماڵیەی بۆ 2 مانگا شەهید بوو.
نەجیب مەحفوز دەڵێ:
وتارهكان
پادشا و دیوک
د. شاهۆ سەعید
چیتر هاوکێشەی سیاسی ناوخۆی هەرێمی کوردستان دەرهاویشەتەی پەیوەندیی و ململانێی نێوان دوو هێز، یان کۆمەڵێک هێزی هاوتاو ڕکابەر نیە؛ چیتر دوو قەڵەمڕەوی حیزبیش جڵەوگری دۆخەکە نین. دیمەنە سیاسییەکەی ئێستا زیاتر لە بگرەو بەردەی نێوان پادشا و کۆمەڵێک دیوک Duke دەچێت کە گرفتێ ئەوتۆیان لەگەڵ عەرشی پادشا نیە، هێندەی خەمیانە خاوەنی دۆچییە Duchy -هەرێمۆچکە-ی تایبەت بەخۆیان بن و بۆ پادشای بسەلمێنن کامیان بەهێزتر و کامیان شیاوترن بۆ شەرەکاتی سیاسی.
لە ڕواڵەتدا ململانێکە لەنێوان پادشا و دیوکەکاندا دەردەکەوێت؛ بەڵام لە جەوهەردا لەنێوان دیوکەکان خۆیاندایە، ناکۆکی سەرەکییان لەگەڵ پادشا لەو خاڵەدایە کە تا ئێستا خۆی یەکلایی نەکردۆتەوە و بڕیاری نەداوە ببێتە هاوپەیمانی کامیان.
هاوکێشەی ئەم بگرەو بەردەیەی نێوان پادشاو دیوک بەڕوونی لەنێوان پارتی و هێزە ڕکابەرەکانیدا دەردەکەوێت. پارتی ڕۆژێک هاوپەیمانی لەگەڵ یەکێتی دەبەستێت بۆ لەقاڵبدانی گۆڕان، ڕۆژێک لەگەڵ گۆڕان دەیبەستێت بۆ لاوازکردنی یەکێتی و هەڵوەشانەوی دەسەڵاتە فراوانەکانی پۆستی جێگری سەرۆک وەزیران، رۆژێک لەگەڵ باڵێکی یەکێتی دەیکات بۆ دانانی سەرۆک کۆماری عێراق، ڕۆژێکی تریش لە باڵەکەی تر نزیکدەکەوێتەوە بەمەبەستی قەتیسکردنی گۆڕان و باڵەکەی تری یەکێتی لەناو جوغزی سلێمانیدا.
ئەوەی بەردەوامی بەم گەمەیە دەدات پادشا نیە خۆی بە تەنها، بەڵکو ڕکابەرەکانیشیەتی کە ئامادەن ڕۆڵی کۆمەڵێک دیوک وازی بکەن. بۆیە نابێت چیتر ئەم هێزانە چاوەڕێی ئەوە لە پارتی بکەن ڕێککەوتنی ستراتیجی و دووقۆڵی لەگەڵ یەکێکیان بێ ئەوی تریان ببەستێت. لەباشترین حاڵدا دەبێت چاوەڕێی هاوپەیمانی دەوریی و بەسەرە، یان چەند قۆڵی و جیا بەجیای لێبکەن، وەک ئەوەی بە ڕێککەتنی نێوان گۆڕان و پارتی لە ١٧ی نیسانی ٢٠١٤ دەستی پێکرد و کۆمەڵێک رێککەوتنی نێوان پارتی و هێزەکانی تری بەدوادا هات. ئەگەرێکی تری بەهێزیش لە کاتی سەرنەگرتنی ئەم ستراتیجەدا بریتییە لە دابەشبوونی قەڵەمڕەوی کۆنی یەکێتی لەنێوان ئەمدیو و ئەودیوەی "کلکەسماق"دا، واتە دابەشبوونی بەسەر دوو دۆچییەدا.
لە سەروبەندی ئەم هاوکێشەیە و لە سایەی ئەو نوخبە سیاسییەی کە لە شەستەکانی سەدەی رابردووەوە تا ئێستا جڵەوی گەمەی سیاسییان بەدەستە، خەریکە وەرچەرخانێک لە کوردستان ڕوودەدات، بەڵام وەرچەرخانێک لە خراپەوە بۆ باش نا، بەڵکو لە سیستمی قەڵەمڕەی حیزبییەوە بۆ سیستمی پشتاوپشتکردنی دەسەڵاتی سیاسی و بەخێزانیکردنی ئابووری وڵات، سیستمێک بەڕواڵەت کۆمارییە و لە جەوهەردا شانشینی/ دیوکنشینە.
گرفتەکە لەوەدایە ئێمە تەنها لەبەردەم پادشایەکدا نین ئەو سیستمە بەزۆر بەسەر ڕەعیەتدا بسەپێنێت، بەڵکو هاوکات لەبەرەم کۆمەڵێک دیوکداین ئامادەن ڕەعیەت بۆ پادشا جڵەوبکەن بەو مەرجەی لە سنوری قەڵەمڕەوی خۆیاندا دەسەڵاتی بنەماڵەییان هەبێت، واتە وێنە بچووکەکانی پادشا بن لە هەرێمۆچکەکانی خۆیاندا.
دیققەت بدەن ئەو هەرایەیی ئێستا لە سەر ناونانی سیستمی سیاسی هەرێم لەئارادایە، هیچی لەسەر ئەوە نیە کە ئایا سیستمی هەرێم کۆماری راستەقینە بێت یان شانشینی/ دیوکنشینی (بەناو کۆماری) بێت؛ بەڵکو فۆکەس لەسەر ئەوەیە ئایا بارزانی لە پەلەمانەوە بۆی درێژبکرێتەوە یان لە پەرلەمانەوە هەڵبژێردرێەوە؟ وەک ئەوەی جیاوازییەک لەنێوان "درێژکردنەوەی پەرلەمانی"و "دانانەوەی پەرلەمانیدا"دا هەبێت! لەسەر ئەوە نیە کە ئایا بارزانی شەرعیەتی ماوە ببێتەوە بە سەرۆک یان نا؟ بەڵکو لەسەر ئەوەیە ئایا ئەو شەرعیەتە لە پەرلەمانەوە وەرگرێت یان بەدەنگی خەڵک پێی ببەخشرێت؟ لەسەر ئەوە نیە کە چۆن ڕێگری بکرێت لە چڕبوونەوەی جومگە سەرەکیەکانی وڵات لەدەست یەک خانەوادەدا، بەڵکو لەسەر ئەوەیە ئایا پشکی دیوک/خانەوادەکانی تر لە موقەدەرات و سامانی نەوت و دەزگا تەنفیزی و ئەمنییەکان چەندە، ئەو خانەوادانەی کە هەندێکیان بەڕۆشنی لەسەر شانۆی سیاسەتن و هەندێکیشیان لەبری خۆیان چەند بووکەڵەیەکیان خستۆتە سەر تەختی شانۆکە.
لە زانستی شیکردنەوەو هەڵوەشاندنەوەی گوتاردا قسەیەک هەیە دەڵێت: لەپشت هەموو قسەیەکی وتراوەوە قسەیەکی نەوتراو هەیە؛ کاری رەخنەگریش ئەوە نیە قسە وتراوەکە دووبارەبکاتەوە، بەڵکو گرنگە ڕووناکی بخاتە سەر قسە نەوتراوە/ تاریکێندراوەکە.
پرسی ڕاستەقینەی نەوتراویش کە گرنگە ڕۆشنایی بخرێتەسەرو ڕای گشتی بۆ هوشیاربکرێتەوە بریتییە لە دۆزینەوەی میکانیزمی گونجاو بۆ پەیڕەوکردنی کۆمەڵێک زەمانەتی دەستووری و یاسایی کە ڕێگر بێت لەوەی کوردستان بەرەو سیستمی کۆماریی شانشینی/ وردە دیوکنشینی بڕوات، ڕێگر بێت لە چڕبوونەوەی دەسەڵاتی سیاسی و ئابووری بەشێوەیەکی هیرارکی (هەرەمی) لەنێوان کۆمەڵێک بەرەبابی سیاسەت، نەوت، هەواڵگری، پەیوەندی سیاسی و بازرگانی ئیقلیمی، هاوردەکردن، تەکنەلۆجیای پەیوەندی، پێشەسازی چێمەنتۆ و تەملیککردنی موڵکی گشتی و.. هتد.
بەڵام ئایا بۆچی ئەم پرسە تاریک دەکرێت و ڕووناکی دەگوازرێتەوە بۆ پرسگەلێکی تر؟! راستیەکەی چونکە وروژاندنی پرسێکی لەوجۆرە تەنها هەڕەشە بۆ سەر دەسەڵاتی پادشا دروست ناکات؛ بەڵکو بەهەمان شێوە دەسەڵاتی وردە دیوکەکانیش دەخاتە بەر مەترسی راستەقینە.
پەیجی نووسەر
بهروار: 02/09/2015
540 جار خوێندراوهتهوه
وتاری زیاتر ...
ههردوكیان له ئاست لهشكركێشی توركیا نوتقیان بهستراوه عیمادعهلی...
عیماد عەلی
بۆ يەكەم جار.. موقاومەتی ئێران و كۆمەڵگای نێودەوڵەتی و هێڵی هاوبەش!...
عەبدولڕەحمان مهابادی
لووتکەی ناداد پەروەری ...
پارێزەر: لوقمان مصطفی صالح
به بارمتەگرتنی ئابووريی ئێران!...
عەبدولڕەحمان مهابادی
مامهڵهكردن لهگهڵ مالكی یان عهبادی بۆ كورد باشتره ؟...
عیماد عەلی
دوور له بهرژهوهندی تهسك با گۆران و یهكێتی یهكبگرنهوه...
عیماد عەلی
پاڵەوان و کەسایەتییەکان لە چیرۆکی منداڵان...
ڕەزا شوان
ئەو ديوارەی بەمزووانە دێتە رووخان!...
عەبدولڕەحمان مهابادی
چۆن خۆت له خهیأڵپڵاوی بیرێك رزگار دهكهیت؟...
عیماد عەلی
نەخۆشی دەسەڵات...
ڕەزا شوان
دوو تابلۆی قەشەنگ..؟! ...
ئازاد حەمدی
سوودەکانی لە باوەشکردنی منداڵان.. ...
ڕەزا شوان
ئهو كتێبهم لۆ چاپ نهكرا...
یوسف مەنتک
ڕۆڵی حیزب لە هەڵبژاردنەکاندا...
پارێزەر: لوقمان مصطفی صالح
شهكاوه بێت ئاڵای سهركهوتن به سهر نازیزم و فاشیزمدا ...
ئەحمەد ڕەجەب
کەشتی نوح .....
ئازاد حەمدی
1
2
3
4
5
...
ژمارهی بابهت
ڤیدیۆ
لافاو و رەشەبا زیاتر لە 70 باخ لە کەرکووک تێکدەدات
کوژرانی ٨ سەربازی تورک لە ناوچەی وەرخەلێ
دوایین ووتەی زارا محەمەدی مامۆستای زمانی کوردی لەپێش دادگای
یادی شەهیدانی پاریس لە مالمۆ
قەیسەری نەقیب ئەستێرە درەوشاوەکەی سەر شانی سلێمانی
ئهرشیف
پهیوهندی
ڤیدیۆ
ئاگاداری
ههمهڕهنگ
وتار
سهرهکی
مافەکان پارێزراوە بۆ مالمۆکورد
میوانی سهرهێڵ:
600
کۆی سهردان:
29130950